У Дзень міжнароднай салідарнасці журналістаў БАЖ заклікае падтрымаць калег, якія знаходзяцца ў зняволенні
8 верасня ў свеце адзначаюць Дзень міжнароднай салідарнасці журналістаў. У гэты дзень грамадскае аб’яднанне «Беларуская асацыяцыя журналістаў» (БАЖ) заклікае падтрымаць калег, якія знаходзяцца ў зняволенні.
Як заявіў намеснік старшыні БАЖ Андрэй Бастунец, гэты дзень — прычына для кожнага журналіста ўспомніць пра калег і членаў арганізацыі, якія апынуліся ў зняволенні. «Зараз у месцах пазбаўлення волі знаходзяцца Дзмітрый Бандарэнка, Павел Севярынец, Алесь Бяляцкі, Аляксандр Атрошчанкаў. Мы павінны не проста ўспомніць, але і асабіста выказаць увагу і падтрымку тым, хто трапіў пад жорсткі націск і пераслед у сувязі з падзеямі 19 снежня і іх наступствамі. Кожны з нас можа знайсці цёплыя словы і час на тое, каб даслаць зняволеным ліст ці тэлеграму», — сказаў Бастунец.
Адрасы зняволеных журналістаў можна знайсці на афіцыйным сайце БАЖ.
Апрача таго, паводле слоў Бастунца, кожны журналіст можа выказаць словы падтрымкі калегам, якія былі прыгавораны за сваю дзейнасць да пакарання, не звязанага з пазбаўленнем волі. «Гэта Ірына Халіп, Андрэй Пачобут, Сяргей Вазняк, Аляксандр Фядута і іншыя. Кожны можа патэлефанаваць ім і выказаць словы падтрымкі», — зазначыў ён.
Заклік БАЖ аб падтрымцы зняволеных журналістаў найперш тычыцца «тых, каму горш за ўсё». «Таму мы заклікалі не толькі беларускіх журналістаў, але і нашых міжнародных партнёраў пісаць лісты, заявы, тэлеграмы ў іх падтрымку. Важна, каб нашы калегі не забываліся пра тое, што мы памятаем пра іх і не спыняем барацьбу за іх вызваленне», — сказаў Бастунец.
***
Міжнародны дзень салідарнасці журналістаў быў заснаваны ў 1958 годзе ў Бухарэсце, на
Цяпер чытаюць
Пастпрад Беларусі ў ААН сустрэнецца з Коўлам і перадасць яму пасланне ад Лукашэнкі3
Пастпрад Беларусі ў ААН сустрэнецца з Коўлам і перадасць яму пасланне ад Лукашэнкі
«Надзея Сцяпанаўна». Мікіта Найдзёнаў апублікаваў паэму, якая нарадзілася ў Жодзінскай турме. Такога паэтычнага эпасу ў беларускай паэзіі ХХІ стагоддзя яшчэ не было55
Каментары