Як дзяржаўныя СМІ асвятляюць пачатак працэсу па справе выбуху ў метро.
Цэнтральныя афіцыйныя СМІ падрыхтавалі рэпартажы з першага дня працэсу па справе выбуху ў метро. Большасць з іх падрабязна апісвае падзеі ў судзе. Праўда, некаторыя з іх не ўтрымаліся ад спакусы прывязаць да справы апазіцыю ды «не заўважыць» на судзе пэўныя істотныя моманты.
«Гэты факт (прызнанне Канавалавым сваёй віны ў здзяйсненні выбуху ў метро — nn.by) напэўна прымусіў разгубіцца некаторых экспертаў, якія шмат гаварылі, што за тэрактам стаяць беларускія спецслужбы. Сярод іх, напрыклад, нехта Уладзімір Барадач. Праўда, пасля сённяшніх прызнанняў абвінавачаных атрымалася, што апазіцыйныя актывісты бароняць ні больш ні менш — тэрарыстаў, жадаючы зрабіць іх ахвярамі рэжыму», — рапартаваў ва ўчорашнім выпуску навінаў карэспандэнт Першага нацыянальнага. Варта адзначыць, што за публікацыю каментара былога палкоўніка спецназа Барадача «Наша Ніва» атрымала ў красавіку папярэджанне ад пракуратуры.
Газета «Советская Белоруссія» пералічыла амаль усе хадайніцтвы, заяўленыя пацярпелымі ў выніку тэракту: і забарону на здымкі абвінавачаных, і просьбу запрасіць у якасці сведкі супрацоўніка агенцтва нерухомасці, праз якое абвінавачаны Канавалаў зняў кватэру. А вось пра хадайніцтва прыпыніць працэс да адмены смяротнага пакарання — ні слова. Не згадалі пра яго і ўрадавыя «Звязда» і «Рэспубліка», а таксама агенцтва БелТА, якое ладзіць з Дома правасуддзя анлайн-рэпартаж. А вось «Народная газета» напісала пра гэта, адзначыўшы, што хадайніцтва было адхіленае, бо пытанне не ўваходзіць у кампетэнцыю суда.
Нагадаем, што працэс пра справе тэракту ў метро пачаўся 15 верасня 2011 г. Працяг паседжання 19 верасня, у панядзелак. Пачатак аб 11-й.
Цяпер чытаюць
Што кажуць Мацкевіч, Карпаў, Чарняўская і іншыя пра прэс-канферэнцыю Бабарыкі і Калеснікавай22
Што кажуць Мацкевіч, Карпаў, Чарняўская і іншыя пра прэс-канферэнцыю Бабарыкі і Калеснікавай
Бабарыка і Калеснікава пагаварылі з Інгай Ругінене і заклікалі Літву «далучыцца да дыпламатычных намаганняў ЗША» і «не прапусціць акно магчымасцей»2828
Каментары