Прэзідэнт ЗША Барак Абама падрыхтаваў план, які прадугледжвае скарачэнне дэфіцыту бюджэту на 3 трлн даляраў цягам найбліжэйшых 10 гадоў,паведамляе Reuters. План будзе прадстаўлены Абамам на брыфінгу ў Белым доме ў панядзелак, 19 верасня, у 10:30 па мясцовым часе (у 17:30 па мінскім).
Скараціць бюджэтны дэфіцыт, паведамілі прадстаўнікі адміністрацыі прэзідэнта ЗША, Абама плануе ў асноўным за кошт павелічэння падаткаў для буйных карпарацый і прыватных асоб з высокімі даходамі. За кошт павышэння падаткаў для гэтых катэгорый мяркуецца за 10 гадоў павялічыць бюджэтныя паступленні на 1,5 трлн даляраў.
Раней паведамлялася, што Абама прапануе ўвесці «падатак Бафета» — абавязаць амерыканцаў, чые даходы перавышаюць мільён даляраў, адлічваць у бюджэт столькі ж, колькі прадстаўнікі сярэдняга класа.
Адначасова план, які Абама прадставіць 19 верасня, таксама прадугледжвае абарону праграм сацыяльнага страхавання, разлічаных на сярэдні клас, ад буйнамаштабных скарачэнняў.
«Прэзідэнт ясна дасць зразумець, што не падтрымае ніякага плана, які патрабуе ад адных амерыканцаў усё, а ад іншых нічога», — заявіў прадстаўнік Белага дома, анансуючы асноўныя тэзісы плану Абамы.
Па выніках 2011 фінансавага года, які завяршаецца 30 верасня, дэфіцыт бюджэту ЗША, як чакаецца, дасягне 1,3 трлн даляраў. Супраць павышэння падаткаў для багатых амерыканцаў, за кошт якіх можна было б павялічыць паступленні ў бюджэт, выступаюць апаненты Абамы з Рэспубліканскай партыі, якая займае большасць месцаў у ніжняй палаце Кангрэса ЗША.
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары