паведаміла прэс-сакратар Нацыянальнага статыстычнага камітэта Алена Кандраценка.
У параўнанні з 1 студзеня жыхароў краіны стала менш на 13,2 тыс. чалавек.
Скарачэнне колькасці насельніцтва абумоўлена перавышэннем на 20 тыс. чалавек колькасці памерлых над колькасцю народжаных пры дадатным міграцыйным прыросце 6 тыс. 817 чалавек (у
студзені-жніўні ў Беларусь прыбылі 11 тыс. 203 чалавекі, выбылі 4 тыс. 386).
Колькасць жыхароў за восем месяцаў павялічылася толькі ў Мінску — з 1 млн. 864,1 тыс. чалавек на 1 студзеня да 1 млн. 867,4 тыс. чалавек на 1 верасня. У астатніх рэгіёнах рэспублікі колькасць жыхароў за студзень-жнівень зменшылася. У выніку на 1 верасня ў Гомельскай вобласці налічвалася 1 млн. 432,3 тыс. чалавек, у Мінскай — 1 млн. 409,8 тыс., у Брэсцкай 1 млн. 394,2 тыс., у Віцебскай — 1 млн. 216,6 тыс., у Магілёўскай — 1 млн. 83,6 тыс., у Гродзенскай — 1 млн. 64,1 тыс. чалавек.
У Беларусі ў студзені-жніўні нарадзілася 71 тыс. 276 немаўлят
— на 469 дзяцей менш у параўнанні са
студзенем-жніўнем 2010 года. Агульны каэфіцыент нараджальнасці за восем месяцаў у цэлым па рэспубліцы склаў 11,3 на 1 тыс. жыхароў (за аналагічны перыяд мінулага года было таксама 11,3 праміле). Сярод рэгіёнаў краіны самы высокі гэты паказчык традыцыйна ў Брэсцкай вобласці (12,4 праміле), самы нізкі — у Віцебскай вобласці (9,9 праміле).
За студзень-жнівень памерлі 91 тыс. 286 чалавек
— на 238 менш у параўнанні са
студзенем-жніўнем 2010 года. Агульны каэфіцыент смяротнасці за восем месяцаў па рэспубліцы складаў 14,5 на 1 тыс. насельніцтва (за адпаведны перыяд мінулага года ён быў таксама 14,5). Сярод рэгіёнаў краіны самы высокі гэты паказчык у бягучым годзе ў Віцебскай вобласці (16,5), самы нізкі — у Мінску (9,8).
Дзіцячая смяротнасць (дзяцей ва ўзросце да 1 года) знізілася ў Беларусі з 4,0 на 1 тыс. народжаных у студзені-жніўні 2010 года да 3,8 праміле ў студзені-жніўні 2011 года.
Каментары