Ганна Паліткоўская была забітая ўдзень 7 кастрычніка 2006 года, у пад’ездзе дома, дзе жыла. І ў той самы дзень прадстаўнікі праваахоўных органаў заявілі, што звязваюць гэтае забойства з прафесійнай дзейнасцю журналісткі.
Следства працягвалася амаль год, калі на старонкі газет трапілі прозвішчы 11 затрыманых у сувязі са справай пра забойства Ганны Паліткоўскай. Зрэшты, з гэтых
— Калі б улады рабілі ўсё, што магчыма, для пошуку забойцаў Ганны Паліткоўскай, то за пяць гадоў, я думаю, гэта зрабіць было б можна.І ўсе асобы, якія маюць дачыненне да справы, былі б на лаве падсудных. На дадзены момант следства лічыць, што знойдзеныя практычна ўсе ўдзельнікі гэтага злачынства, пачынаючы ад выканаўцы, заканчваючы тым чалавекам, які браў замовы на забойства, аднак так і застаецца невядомым замоўца. Калі быць аб’ектыўным, то можна сказаць, што следства дасягнула пэўных поспехаў, але калі б следства прыслухоўвалася не толькі да сваёй думкі, але і да думкі, у прыватнасці, боку пацярпелых, то, магчыма, гэтыя затрыманні адбыліся б на больш ранніх этапах расследавання.
Ганна Ставіцкая адзначыла, што шмат у чым справа зрушылася з мёртвай кропкі дзякуючы журналістам «Новай газеты», якія некалькі гадоў вялі ўласнае расследаванне абставінаў забойства Ганны Паліткоўскай і дзяліліся здабытымі звесткамі з удзельнікамі следчай брыгады.
— Следства магло быць больш эфектыўным, калі б не прыўнесеныя звонку элементы:сварка паміж двума ведамствамі — Генпракуратурай і Следчым камітэтам. Або выступы лідараў дзяржавы са сваімі публічнымі версіямі, якія следства вымушанае было адпрацоўваць. Калі б не было такой карумпаванай улады, праваахоўнай сістэмы, якая прадавала за грошы ўсю інфармацыю, якая трапляла ў «дзяжурную частку». Усе гэтыя прыўнесеныя абставіны следству заміналі. Да таго ж, само па сабе злачынства складанае, хоць бы таму, што на лаве падсудных, думаю, ужо ў наступным годзе апынуцца вельмі сур’ёзныя людзі, якія мелі дачыненне да сакрэтных падраздзяленняў ГУУС і былі на сувязі з агентурай Федэральнай службы бяспекі, — лічыць Сяргей Сакалоў.
Зрэшты, калі цяпер з’явілася пэўная яснасць адносна асобаў, якія арганізавалі і ўчынілі забойства Ганны Паліткоўскай ў 2006 годзе, то ніякай пэўнасці з тым, хто выступіў замоўцам злачынства, няма. Прыводзіліся самыя разнастайныя версіі, іх выказвала ў тым ліку і кіраўніцтва Расіі, але, на думку Іллі, сына Ганны Паліткоўскай, ніводная з агучаных версій пра замоўцу не наблізілася да праўды:
— Я не хачу сказаць, што нехта супрацьдзейнічае расследаванню, але шмат якія дзеянні істотна запазніліся. У першую чаргу, арышт аднаго з асноўных арганізатараў — Паўлючэнкава, і магчымага кілера Махмудава. Наконт замоўцы няма нічога, акрамя здагадак.
Адвакат Ганна Ставіцкая перакананая: калі чалавек, які замовіў забойства Ганны Паліткоўскай, мае непасрэднае дачыненне да расійскай улады, то яго прозвішча так і не будзе названае:
— Калі да забойства Ганны Паліткоўскай датычны прадстаўнік улады, то хутчэй за ўсё мы ніколі не даведаемся яго імя.
Ганна Паліткоўская была вядомая сваімі публікацыямі на тэму Чачні і Паўночнага Каўказа. Апошні апублікаваны пры яе жыцці артыкул — «Карная змова» — быў прысвечаны складу і дзейнасці чачэнскіх атрадаў, якія ваююць на баку федэральных сіл. Для многіх, пра каго пісала і каму дапамагала Ганна Паліткоўская, яна была не столькі журналісткай, колькі праваабаронцам. Чалец праўлення Міжнароднага
— Другая чачэнская вайна, узброены канфлікт на Паўночным Каўказе, які пачаўся ў 1999 годзе і працягваецца да гэтага часу, выклікаюць у памяці публікацыі, імя Ганны Паліткоўскай. Няма іншага журналіста з такім стылем, з такім уменнем звяртаць увагу чытача на страшныя і трагічныя падзеі. Хаця многія тэмы, якія вяла Ганна Паліткоўская, працягнулі журналісты, яе калегі.
Наташа Эстэмірава пасля смерці Паліткоўскай пачала друкавацца ў «Новай», каб часткова кампенсаваць гэтую страту, але Наташу забілі два гады таму. Зеўра пустэчы…— падкрэсліў Аляксандр Чаркасаў.
У цяперашні час тэрмін следства па справе аб забойстве Ганны Паліткоўскай падоўжаны да 7 снежня. У рэдакцыі «Новай газеты» сцвярджаюць, што звесткі, якія дапамаглі кілеру здзейсніць забойства журналісткі і пакінуць месца злачынства, для яго пастаўлялі дзейныя на той момант супрацоўнікі міліцыі, падначаленыя арыштаванага нядаўна былога падпалкоўніка міліцыі Дзмітрыя Паўлючэнкава.
Цяпер чытаюць
Чым цяпер займаюцца дзяўчаты, якіх летась назвалі самымі прыгожымі ў Беларусі?8
Чым цяпер займаюцца дзяўчаты, якіх летась назвалі самымі прыгожымі ў Беларусі?
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2121
Каментары