Лукашэнка: У беларускай літаратуры не павінна быць цэнзуры і забароненых тэм
Лукашэнка зноў падзяліў пісьменнікаў на чэсных і нячэсных, свядомых і несвядомых, назваў адшчапенцамі.
«У сучаснай беларускай літаратуры не павінна быць цэнзуры або забароненых тэм, акрамя, зразумела, антыгуманных і амаральных», — заявіў А. Лукашэнка ў аўторак у Мінску, у ходзе сустрэчы з членамі ГА «Саюз пісьменнікаў Беларусі».
«Я папрасіў бы вас смела падымаць у сваіх кнігах сацыяльныя, светапоглядныя і маральныя праблемы сучаснасці. Але не апускацца да вульгарнасці ачарніцельства і пошласці»,— звярнуўся ён да членаў аб’яднання.
Ён са шкадаваннем адзначыў, што «сёння беларускія літаратары, асабліва маладыя,
нярэдка следуюць далёка не лепшым узорам масавай культуры, замест таго, каб вучыцца ў класікаў і браць сюжэты з жыцця».
На погляд Лукашэнкі,
«найноўшая гісторыя Айчыны павінна стаць прадметам сур’ёзнага творчага аналізу,патрэбныя яркія, таленавітыя кнігі пра цяперашняй Беларусі і жыцця нашых землякоў».
Лукашэнка нагадаў, што
«ліхія90-я прынеслі ў літаратурнае асяроддзе заняпад і хаос, у тыя гады „Саюз беларускiх пiсьменнiкау“ заграз у нацыяналізме і палітычных інтрыгах».
«Да гэтага часу так званыя „свядомыя пiсьменнiкi“, размянялі талент на замежныя гранты,
у сваіх опусах паліваюць брудам нашу краіну, абражаюць уласны народ і падбухторваюць моладзь да бессэнсоўных бунтаў»,— канстатаваў А. Лукашэнка.
«Аддаваць культуру на ганьбаванне адшчапенцам было нельга.
Таму 6 гадоў таму мы падтрымалі ініцыятыву стварэння Саюза пісьменнікаў Беларусі, для аб’яднання здаровых творчых сіл, і з гэтай задачай ваш Саюз, увогуле, справіўся», — працягнуў ён. [з 1990 па 1998 г. саюзам кіраваў Васіль Зуёнак, у 1998--2001 Някляеў, у 2001-2002 гг. Вольга Іпатава, з 2002 г. -- Алесь Пашкевіч -- НН].
Лукашэнка падкрэсліў, што перад пісьменнікамі стаіць задача — адрадзіць былую славу беларускай літаратуры і падняць яе на новы мастацкі ўзровень. Ён падкрэсліў, што «дзяржава імкнецца стварыць усе ўмовы для вашай працы».
«У адказ мы чакаем толькі аднаго — яркіх, таленавітых твораў».
Разам з тым, ён са шкадаваннем адзначыў, што «пакуль запатрабаванасць вашых твораў застаецца сур’ёзнай праблемай».
Ён даручыў Міністэрству інфармацыі «навесці парадак у ганарарнай палітыцы,каб пісьменнікам не прыходзілася па 5–7 гадоў чакаць атрымання заробленых грошай».
У той жа час ён папярэдзіў, што «рост накладаў і павелічэнне ганарараў адбудуцца толькі ў тым выпадку, калі вашы кнігі цікавыя і патрэбныя людзям».
А. Лукашэнка таксама лічыць, што міністэрству культуры і беларускім тэлерадыёкампаніям неабходна «падумаць аб адраджэнні практыкі экранізацыі твораў нашых пісьменнікаў».
Пры гэтым эфектыўным сродкам далучэння маладога пакалення да літаратуры, на погляд яго, магло б стаць стварэнне беларускіх аўдыёкніг.
Ён таксама не выключыў, што мэтазгодна аднавіць практыку напісання п’ес па дзяржзамове.Акрамя таго, працягнуў А. Лукашэнка,
неабходна перагледзець школьныя праграмы, з тым, каб «выключыць другарадных аўтараў і надаваць больш часу на сапраўды вялікія творы».
Каментары