30 лістапада прадстаўнікі розных партый і арганізацый сабраліся ва ўрочышчы Кабыляцкая Гара.
«Мы прыбралі смецце вакол мемарыяльнага знака, усталяванага тут у памяць пра растраляных людзей. Пафарбавалі крыжы, якія тут паставілі сваякі расстраляных ахвяраў сталінізму», — апавёў сябра аргкамітэту па стварэнні партыі БХД Яўген Анішчанка.
Урочышча Кабыляцкая Гара знаходзіцца недалёка ад Оршы, каля пасёлка Андрэеўшчына. У гэтых мясцінах пад Оршай у 1930--50-я гады праводзіліся расстрэлы мірнага насельніцтва — ахвяраў таталітарызму сталінскіх часоў.
Паводле некаторых дадзеных, тут было
7 ці 8 масавых пахаванняў, але дакладную колькасць ахвяраў сталінізму, якія знайшлі тут апошні спачын, не ведае ніхто.
Парэшткі забітых людзей былі знойдзеныя ў Кабыляцкай Гары яшчэ ў 70-я гады мінулага стагоддзя, калі будавалі чыгунку да станцыі Ворша-Паўночная. Але толькі пасьля таго, як Беларусь даведалася пра менскія Курапаты, і ў Воршы была створаная адмысловая камісія па вывучэньні пахаваньняў.
На загад Аршанскага гарвыканкама ў 1992-м годзе на Кабыляцкай Гары быў усталяваны вялікі помнік-камень.
Добраўпарадкаваннем мемарыялу ўсе гэтыя гаты займаюцца толькі мясцовыя актывісты.
Аршанскія актывісты збіраюцца ў гэтых мясцінах штогод — або на Дзяды, або напярэдадні.
Цяпер чытаюць
Прапагандысты запэўніваюць, што 196 палітвязняў ужо на свабодзе9
Каментары