У Каменным Логу пачаўся новы эксперымент.
З 1 снежня супрацоўнікі Смаргонскай памежнай групы сумесна з Ашмянскай мытняй і транспартнай інспекцыяй праводзяць эксперымент у аўтадарожным пункце пропуску «Каменны Лог». Сутнасць яго ў тым, што грамадзяне, якія перасякаюць мяжу ў якасці пасажыраў, могуць не выходзіць з машыны.
У ходзе эксперыменту ўкараняецца наступны парадак перасячэння мяжы для легкавых транспартных сродкаў, якія ідуць у краіны Еўрапейскага саюза:
— прастаяць у чарзе на пад’ездзе да пункта пропуску;
— пасля ўключэння зялёнага сігналу святлафора пад’ехаць да шлагбаўма;
— калі шлагбаўм узнімецца, заехаць на тэрыторыю пункта пропуску да месца праходжання пашпартнага кантролю і праверкі транспартнага сродку;
— аддаць памежніку дакументы на права перасячэння мяжы і тэхнічны пашпарт на транспартны сродак — для афармлення дакументаў;
— памежнік аглядае транспартны сродак, калі той рухаецца па «зялёным» калідоры;
— памежнік вяртае дакументы;
— транспартны сродак з пасажырам пад’язджае да выезду з пункта пропуску, дзе яго выпускаюць з пункта пропуску.
Пры ўездзе на тэрыторыю Рэспублікі Беларусь парадак перасячэння мяжы для легкавых транспартных сродкаў аналагічны за выключэннем таго, што кантрольны талон
Калі легкавы транспартны сродак рухаецца па «чырвоным» калідоры, то пасля праходжання пашпартнага кантролю накіроўваецца на аўтамабільны і мытны кантроль.
Для грузавога транспарту і пешаходаў парадак перасячэння мяжы не змяніўся.
Каментары