Георгій Кандрацьеў: Мінус адзін — вельмі моцная група нам трапілася

«Юры Аляксандравіч, давайце пачнём», — прапанаваў старшыня Беларуская федэрацыі футбола і віцэ-прэм’ер Сяргей Румас бізнесмену Юрыю Чыжу, які доўга размаўляў з некім у дзвярах футбольнага музея.

Выканкам БФФ сёння павінен прызначыць новага галоўнага трэнера зборнай. Ужо восьмага з час існавання нашай каманды. Бернд Штанге вось ужо некалькі тыдняў, як знаходзіцца ў Нямеччыне.

На павестцы дня гэтае пытанне стаяла толькі трэцім, але ўлічваючы вялізны інтарэс, Румас прапанаваў паставіць гэтае пытанне першым.

Намеснік старшыні федэрацыі Сяргей Сафар’ян прапанаваў на пасаду настаўніка Георгія Кандрацьева. Сенсацыі не адбылося. «Яшчэ пытанні?» — казаў Румас. У адказ на гэта была цішыня. «Прашу вас быць больш актыўнымі, хочацца, каб выказалі сваё меркаванне, а то ў нас павісла цішыня».

У выніку выканкам без праблем задаволіў асобу Кандрацьева, як новага настаўніка.

«Я разумею, якая гэта нялёгкая праца. Буду рабіць усё, каб вас не падвесці», — сказаў Кандрацьеў. Дапамагаць яму будуць Андрэя Сацункевіч, Вячаслаў Акшаеў («чалавек блізкі па духу»).

Кандрацьеў не вельмі любіць стасункі з прэсай, нават падчас кароткага выступу больш глядзеў у падлогу, чым на публіку. На прэс-канферэнцыі адказаў кароткімі адказамі.

Сказаў: «Самы галоўны мінус — вельмі моцная група нам трапілася. Я шчыра веру, што з гэтымі хлопцамі можна вырашыць самыя высокія задачы. Хай не ў гэтым цыклі, дык у наступным».

Нагадаем, што ў адборачнай групе да чэмпіянату свету-2014 беларусы трапілі з Францыяй, Іспаніяй, Фінляндыяй і Грузіяй.

Кантракт разлічаны на два адборачныя цыклі. Кандрацьеў не бачыць праблем у сумяшчэнні працы на пасадах настаўніка нацыянальнай і алімпійскай каманд. «Мы пакінем усё лепшае, што было ў каманды Штанге. Напрыклад, абарону. Але ў атацы трэба гуляць больш агрэсіўна», — лічыць новы настаўнік.

***

Георгій Кандрацьеў нарадзіўся ў 1960 у Талочынскім раёне Віцебскай вобласці.

Гуляў амаль да 40 гадоў. Як трэнер, узначальваў мінскае «Дынама», «Смаргонь», «Віцебск». Моладзевую зборную Беларусі, з якой заняў 3-я месца на чэмпіянаце Еўропы ў Даніі і вывеў каманду на Алімпійскія гульні. Гэты поспех і быў вырашальным у пытанні прызначэння.

• 0
• 0
• 0
• 0
• 0
• 0
• 0
• 0