Напярэдадні навагодніх святаў змяняецца рэжым працы магазінаў і аб’ектаў грамадскага харчавання, паведаміў намеснік старшыні Мінгарвыканкама Уладзімір Калтовіч напрэс-канферэнцыі 9 снежня. З 15 снежня па 7 студзеня харчовыя магазіны будуць працаваць як мінімум да 22.00, нехарчовыя — да 21.00.
У святочныя дні — 25, 31 снежня 2011 года і 7 студзеня 2012 года — харчовыя і нехарчовыя магазіны будуць працаваць паводле рэжыму працоўнага дня. 1 студзеня харчовыя — з 10.00 да 18.00, у нехарчовых — выхадны.
З 15 снежня па 15 студзеня забаронена закрываць сталічныя магазіны, аб’екты грамадскага харчавання на рамонт, інвентарызацыю ці санітарныя дні.
Пры наяўнасці замоў на правядзенне святочных мерапрыемстваў з 15 снежня па 1 студзеня рэстараны і кафэ будуць працаваць да 6.00 без выхадных, за выключэннем размешчаных у жылых будынках.
Рынкі 24, 25 і 31 снежня, 7 і 8 студзеня будуць працаваць паводле рэжыму працоўнага дня, 1 і 2 студзеня — закрыты на выхадны.
Паводле слоў Калтовіча, ва ўсіх раёнах горада 10 і 11 снежня пройдуць кірмашы з удзелам прадпрыемстваў Гомельскай вобласці, 14 і 15 снежня — Магілёўскай.
17 і 18 снежня каля Палаца спорту адбудзецца рыбны кірмаш, у якім возьмуць удзел рыбалоўныя гаспадаркі і рыбаперапрацоўчыя прадпрыемствы краіны.
24 і 25 снежня пройдзе агульнагарадскі кірмаш з удзелам прадпрыемстваў кандытарскай галіны Беларусі.
З 15 снежня па 8 студзеня на Кастрычніцкай плошчы і каля Палаца спорту будзе разгорнуты гандаль навагоднімі падарункамі і прысмакамі.
Цяпер чытаюць
«Размаўляў увесь час па-беларуску». Павел Севярынец запісаў свой першы зварот пасля вызвалення12
«Размаўляў увесь час па-беларуску». Павел Севярынец запісаў свой першы зварот пасля вызвалення
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher22
Каментары