Прычына — рэканструкцыя цепласетак. Тое самае было ў кастрычніку.
Напрыканцы мінулага тыдня на пад’ездах дамоў 2-га мікрараёна Заслаўя з’явіліся аб’явы адміністрацыі ЖКГ Мінскага раёна. У іх гаварылася пра адключэнне гарачай вады і ацяплення 16 снежня з 8-й раніцы да 12-й ночы. Рабілася гэта ў сувязі з правядзеннем рэканструкцыі цепласетак.
Як высветлілася, ацяпленне ў дамах ўключылі не ў заяўлены час, а толькі пад раніцу суботы. З кранаў, як тут бывае пасля адключэння вады, жыхарам дамоў давялося зліваць брудную ваду.
Варта адзначыць, што гарачую ваду па ўсім горадзе планава адключалі на два тыдні летам. Потым на тыдзень адключылі ў сярэдзіне кастрычніка. Мясцовая ЖКГ і тады тлумачыла гэта заменай цеплатрасы. Дагэтуль працягваюцца працы па пракладцы інжынерных сетак на вуліцы Студзянецкай каля Дома культуры, хоць згодна з пашпартам аб’екта зрабіць гэта мусілі ў верасні.
Каментары