12 лютага радыёстанцыя «Рэха Масквы» трансьлявала інтэрвію, якое прэзыдэнт Аляксандар Лукашэнка даў газэце «Завтра» 1 лютага.
12 лютага радыёстанцыя «Рэха Масквы» трансьлявала інтэрвію, якое прэзыдэнт Аляксандар Лукашэнка даў газэце «Завтра» 1 лютага.
Лукашэнка ў інтэрвію зьвінаваціў расейскае кіраўніцтва ў дзеяньні паводле прыватных інтарэсаў, а сябе прадставіў як сапраўднага абаронцу ідэалаў рускага народу.
— Я ўжо сябе некарэктна паводжу ў дачыненьні да расейскага кіраўніцтва, — сказаў Лукашэнка, — але далей ўжо цярпець гэтую вакханалію і бязьдзейнасьць немагчыма.
Паводле Лукашэнкі, уся расейская палітыка завязана на асабісты інтарэс яе герояў:
— У вас [Расеі] няма сёньня палітыкі эфэктыўнай, калі гэта не завязана на асабісты інтарэс, — заявіў Лукашэнка. — Няма ў вас дзяржаўных прадпрыемстваў. Гэта лухта, што ў вас там акцыі 33% дзяржавы і іншае. Усё там парэзана, расьпілаванае на часткі, і кожны мае свой асабісты інтарэс. І яны [расейская эліта ўлады] б’юцца за гэта, учапіўшыся пасінелымі пальцамі, гэтыя грошы вывозяць на Захад, там хаваюць.
Расея, па словах Лукашэнкі, «ніколі больш ня будзе імпэрыяй»:
— У Расеі няма для гэтага рэсурсаў, — дадаў ён. — Вы кавалкамі ўсё згубілі. Усё. Выключна прычынай гэтаму і віной вы самі.
Самім жа расейцам, на думку беларускага прэзыдэнта, Беларусь зараз зьяўляецца значна лепшым месцам за саму Расею:
— Сёньня Беларусь фактычна ў складзе Расеі, — канстатаваў Лукашэнка. — Больш чым у складзе Расеі. Таму што тут рускаму чалавеку значна лепш, чым у самой Расеі ў многіх месцах. Сюды людзі прыяжджаюць усе, расіяне, рускія, і гавораць: слухайце, я тут сябе адчуваю як дома. Гэта ж ня проста было зьняць людзей з чамаданаў пасьля Шушкевіча, супакоіць іх і сьледам надаць рускай мове пасьля гэтага нацыяналістычнага запалу роўны статус зь беларускай, зрабіць яе дзяржаўнаю мовай. Колькі мне давялося вытрымаць. Колькі мы рускіх людзей прытулілі з Казахстану і дагэтуль.
Тэкст інтэрвію на сайце «Эха Москвы»
У гадавіну смерці Жанны Фрыске Дзмітрый Шэпелеў распавёў, чаму не дазваляе сыну бачыцца з яе сваякамі16
Каментары