У Мінску ўшанавалі памяць ахвяраў Халакосту — відэа
27 студзеня ў Мінску адбылася сустрэча, прысвечаная Міжнароднаму дню памяці ахвяраў Халакосту. Яе арганізавалі прадстаўніцтва ААН у Беларусі і грамадскае аб'яднанне «Рэспубліканскі фонд “Халакост”».
На сустрэчы выступілі кіраўнік прадстаўніцтва ААН у Беларусі Антоніус Брук, прадстаўнікі дзяржведамстваў, былыя вязні гета, вучні, якія займаюцца даследаваннем тэмы Халакосту ў Беларусі.
Старшыня Саюза беларускіх яўрэйскіх грамадскіх аб'яднанняў і абшчын вядомы архітэктар Леанід Левін нагадаў, што ў 2005 годзе ААН прыняла рашэнне адзначаць Міжнародны дзень памяці ахвяраў Халакосту. «У Беларусі ў гады Другой сусветнай вайны загінулі амаль 2,5 мільёна людзей, — зазначыў ён, — з іх 800 тысяч яўрэяў. Памяць жыве ў народзе, мы яе ўвекавечваем, адзначаем гэтыя жалобныя дні, бяром удзел у канферэнцыях па Халакосце. Ён тычыўся не толькі яўрэяў, Халакост мог перакінуцца і на іншыя нацыі. Мы шануем памяць людзей, якія перажылі зверствы фашызму, робім усё, каб адрадзіць страчаную гісторыю, культуру, мову — знішчалі ж не проста народ, а і яго культурную спадчыну».
Антоніус Брук і былы вязень гітлераўскіх гета і канцлагераў Леанід Рубінштэйн запалілі свечкі ў памяць пра шэсць мільёнаў знішчаных нацыстамі яўрэяў Еўропы.
Цяпер чытаюць
Масавыя арышты афіцэраў прайшлі на авіябазе ў Мачулішчах — абвінавачваюць у сувязях з апазіцыяй46
Каментары