Лебедзі на вадасховішчы Крыніца шукаюць корм на беразе - відэа
На адкрытых участках вадаёмаў Мінска і наваколля засталіся на зімоўку сотні вадаплаўных птушак. Карэспандэнт БелаПАН, занепакоены тым, як пераносяць лютаўскія маразы качкі і лебедзі, зноў наведаў вадасховішча Крыніца пад Мінскам. У канцы студзеня тут, у вялікай праталіне каля вадаскіда плаціны, жылі мноства качак, прыблізна шэсць дзясяткаў лебедзяў. З узмацненнем маразоў прыродаахоўныя службы падкормліваюць птушак, прыязджаюць дапамагчы і мінчане.
2 лютага птушак візуальна паменела, у прыватнасці колькасць лебедзяў скарацілася на 10—15 асобінаў.
Не бачна корму, якога ў мінулае наведванне шмат ляжала нават на беразе. Таму птушкі ахвотна бяруць яго з рук людзей, нават выбіраюцца за кавалкамі белага хлеба на прыбярэжны лёд, чаго раней не назіралася.Над праталінай, якая, на шчасце, не стала меншай, клубіцца марозная пара.
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку16
Каментары