Праблема практычна ўсіх вялікіх гарадоў Беларусі — гістарычны цэнтр.
Старыя забудовы не дазваляюць пашырыць вуліцы, знайсці месца для новай паркоўкі вельмі складана, а часцей за ўсё проста немагчыма. Гарадскія ўлады змагаюцца з гэтым рознымі спосабамі: будуюць гарадскія аб’язныя кольцы, забараняюць уезд у цэнтральную частку населеных пунктаў вялікагрузных аўтамабіляў і інш. Адным з варыянтаў памяншэння нагрузкі на цэнтральныя вуліцы з'яўляецца ўвядзенне аднабаковага руху, паведамляе інтэрнэт-партал «Бізнес Лідар».
Так, на адной з цэнтральных вуліц сталіцы Беларусі -- вуліцы Энгельса -- ДАІ збіраецца ўвесці аднабаковы рух (на ўчастку паміж вуліцамі Кірава і Ульянаўскай). Такім чынам аўтаінспектары хочуць стварыць нармальныя ўмовы для руху аўтатранспарту, паколькі з адкрыццём тут 2-й гарадской бальніцы на паўстала праблема паркоўкі. Пасля ўвядзення аднабаковага руху адзін бок вуліцы можна будзе аддаць пад стаянку «елачкай» - аўто будуць паркавацца пад кутом 45 градусаў да ходнікаў, што павысіць колькасць стаяначных месцаў.
Аб даце ўвядзення аднабаковага руху на гэтым участку вуліцы Энгельса ДАІ паведаміць загадзя.
Цяпер чытаюць
Пяць прычын — у тым ліку адна фантастычная, — па якіх беларусам адключылі святло ў гарадах9
Пяць прычын — у тым ліку адна фантастычная, — па якіх беларусам адключылі святло ў гарадах
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары