З 09.00 8 сакавіка да 09.00 12 сакавіка будуць кругласутачна адпрацоўвацца месцы масавага знаходжання моладзі.
На гэтых выходных міліцыя Мінскай вобласці ўзмоцніць меры па прадухіленні правапарушэнняў, якія здзяйсняюць падлеткі, паведамілі ва Упраўленні аховы правапарадку і прафілактыкі УУС Мінаблвыканкама.
З 09.00 8 сакавіка да 09.00 12 сакавіка супрацоўнікі міліцыі будуць кругласутачна адпрацоўваць месцы масавага знаходжання моладзі. «У першую чаргу праверкам будуць падвергнутыя забаўляльныя ўстановы, якія працуюць у начны час», — адзначылі ва УУС. Калі будуць выяўлены факты допуску ў клубы і на дыскатэкі непаўналетніх у начны час, то ў дачыненні да юрыдычных асоб — гаспадароў установаў, а таксама бацькоў будуць ужытыя меры адміністрацыйнай адказнасці.
Як растлумачылі ў УУС, гэтыя меры звязаныя з тым, што ў Мінскай вобласці назіраецца рост узроўню падлеткавай злачыннасці.
Каментары