Запланаваны на 6 красавіка хакейны матч паміж зборнымі Аўстрыі і Беларусі, які выклікаў вялікую спрэчку паміж уладамі правінцыі Карынтыя і аўстрыйскай федэрацыяй хакею, усё ж адбудзецца ў прызначаны дзень у лядовым палацы горада Філах, але пры пустых трыбунах.
Паводле прэзідэнта нацыянальнай хакейнай федэрацыі Дытэра Кальта, такое рашэнне стала адзіна магчымым кампрамісам.
Прычынай спрэчак вакол міжнароднага матча 6 красавіка, які мае адбыцца ў рамках падрыхтоўкі да першынства свету 2012 году і быў загадзя зацверджаны IIHF, сталі дата і месца яго правядзення.
Сёлета на 6 красавіка ў католікаў прыпадае Вялікая пятніца — дзень, калі Хрыста распялі на крыжы.
Паводле законаў правінцыі Карынтыя, у дзень распяцця Хрыста, а таксама на Каляды тут забароненыя відовішчы, у тым ліку хакейныя матчы. Таму карынтыйскія ўлады рашуча настойвалі на адмене сустрэчы.
У сваю чаргу, Аўстрыйская нацыянальная федэрацыя хакею з шайбай заклікала ўладныя ды рэлігійныя колы зразумець і яе няпростую сітуацыю: перанесці матч у іншае месца немагчыма, а калі аўстрыйская зборная не згуляе са сваімі беларускімі супернікамі ў загадзя запланаваны час, яе далейшы ўдзел у чэмпіянаце свету стане праблематычным.
Ідучы насустрач заўзятарам, у тым ліку і з іншых аўстрыйскіх правінцыяў, гульню будуць трансляваць у жывым эфіры на канале ORF, а
Цяпер чытаюць
Пратасевіч зноў жэніцца — цяпер з таролагам Настассяй, якая працавала ў элітным медцэнтры «Мерсі»44
Каментары