Зарэгістраванае даменнае імя maximabelarus.by.
Буйны прыбалтыйскі рытэйлар Maxima, які раней адхрышчваўся ад прыходу ў Беларусь, усё ж афіцыйна пазначыў свой інтарэс да нашай краіны, зарэгістраваўшы даменнае імя maximabelarus.by.
Паводле інфармацыі cctld.by, уладальнікам дамена значыцца зарэгістраваная ў Вільні Maxima Group.
Maxima Group кіруе прадпрыемствамі рознічнага гандлю ў пяці краінах, якія складаюцца з 485 гандлёвых цэнтраў Maxima X, Maxima XX, Maxima XXX,
Варта адзначыць, што Maxima Group завершыла ўгоду па набыцці 100% акцый польскай рознічнай сеткі Aldik Nova толькі ў лютым гэтага года. Да літоўцаў адышлі 21 крама, пякарня і кандытарскі цэх гэтай сеткі. Па словах гендырэктара Maxima Group Міндаўгаса Багданавічуса, «мы набылі гандлёвую сетку, ідучы за стратэгічным напрамкам дзейнасці, што прадугледжвае пашырэнне ў замежных краінах». «Асноўныя стратэгічныя напрамкі нашай дзейнасці ў 2012 г. застаюцца ранейшымі. Група плануе працягваць умеранае развіццё за мяжой», — сказаў ён.
Вядома, што
для дзейнасці ў Беларусі створаная літоўская кампанія Glera. Яе ўзначальвае Аўрымас Намаюшка, які каля 10 гадоў прапрацаваў у структурах Vilniaus Prekyba. Glera стварае цяпер у Беларусі сетку невялікіх універсальных магазінаў каля дому.У 2011 годзе літоўскія бізнэсоўцы актыўна апрацоўвалі Мінск і беларускія рэгіёны і зарэгістравалі каля 30 сваіх даччыных кампаній. Пры гэтым ён не пацвердзіў дачыненне акцыянераў Vilniaus Prekyba да дзейнасці кампаніі, а таксама тое, што сетка будзе звацца Maxima.
«Ім пакуль нявыгадна гаварыць на гэтую тэму па шэрагу прычын. І палітычных, і эканамічных. Канкурэнцыя ў сферы рознічнага гандлю даволі высокая. Таму рана раскрываць усе карты. Тэма прыцягнення інвестыцый у Беларусь з ЕС таксама пакуль у некаторай ступені гуляе супраць іх», —мяркуе эксперт у рознічным гандлі.
Цяпер чытаюць
Загінуў былы палітвязень Аляксей Ляўкевіч. Яго вызвалілі тры месяцы таму пасля візіту Коўла1
Каментары