У Каменным Логу стаіць 950 грузавікоў: літоўскія памежнікі бастуюць
Сітуацыя ў пунктах пропуску на беларуска-літоўскай мяжы застаецца напружанай
Сітуацыя ў пунктах пропуску на беларуска-літоўскай мяжы, дзе напярэдадні практычна быў паралізаваны рух і ўзніклі значныя чэргі, працягвае заставацца напружанай. Прычынай гэтага, як паведамілі ў беларускім пагранведамстве, стала забастоўка літоўскіх служачых, якія значна знізілі інтэнсіўнасць пропуску грамадзян і транспартных сродкаў.
29 красавіка на кожным з пагранічных пунктаў — «Беняконі», «Катлоўка», «Каменны Лог» — з беларускага боку ў чарзе знаходзілася да 150 легкавых аўтамашын. У гэты дзень Дзяржпагранкамітэт Беларусі рэкамендаваў грамадзянам устрымацца ад паездак у Літву.
30 красавіка сітуацыя крыху змянілася. Паводле звестак на 8.00 чаргі на выезд у Літву ў «Беняконях» не было, у «Катлоўцы» стаялі 10 легкавых аўтамабіляў, у «Каменным Логу» — 100.Пры гэтым значна павялічыліся чэргі грузавога аўтатранспарту: у «Катлоўцы» — 510 аўтамашын, у «Каменным Логу» — 950, у «Беняконях» — 420, у «Прывалцы» — 550.
Мяркуючы па звестках Дзяржпагранкамітэта Беларусі, частка грамадзян, якія спрабавалі напярэдадні ўехаць у ЕС праз Літву, прыслухалася да закліку памежнікаў і накіравалася ў бок беларуска-польскай мяжы. Раніцай 30 красавіка ў «Брузгах» выезду з Беларусі чакалі 180 легкавых аўтамабіляў, у «Брэст-Цярэспалі» — 150, у «Бераставіцы» — 70, у «Дамачава» — 50. 29 красавіка чэргі ў гэтых пунктах пропуску былі меншыя.
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі21
Каментары