Рэзкае падзенне колькасці праглядаў папулярнага мультфільма «Губка Боб Квадратныя Штаны» (SpongeBob SquarePants) зніжаюць рэйтынг тэлеканала Nickelodeon і могуць пацягнуць за сабой падзенне праглядаў іншых праграм на тэлеканале,
піша газета The Wall Street Journal.
Пасля 13 гадоў на экране мультфільм пра гаворачую губку страчвае папулярнасць: сярод дзяцей ад 2 да 11 гадоў за першы квартал гэтага года «Губку Боба» перасталі глядзець каля 30% гледачоў. У сувязі з тым, што мультфільм займае каля 40% эфірнага часу Nickelodeon, рэйтынгі канала знізіліся на 25%.
Аналітык Sanford C. Bernstein Тод Юнгер адзначае, што падзенне папулярнасці «Губкі Боба» можа паўплываць і на іншыя праграмы, бо гледачы пачынаюць пастаянна пераключаць тэлеканалы ў пошуках любімай праграмы, замест таго каб заставацца на адным тэлеканале.
Мультфільм па-ранейшаму глядзяць каля двух мільёнаў гледачоў ва ўзросце ад 2 да 11 гадоў, гаворыцца ў дадзеных кампаніі Nielsen.
Прадстаўнік Nickelodeon пры гэтым адзначае, што «Губка Боб» застаецца першым у рэйтынгу праграм тэлеканала, нягледзячы на нечаканае зніжэнне рэйтынгаў яшчэ ў верасні мінулага года.
Нядаўняе паніжэнне рэйтынгаў Nickelodeon – сур'ёзная праблема для яго мацярынскай кампаніі Viacom. Nickelodeon прыносіць каля 15% прыбытку Viacom, ацэньвае аналітык RBC Capital Markets Дэвід Бэнк. Падзенне рэйтынгаў стала прычынай зніжэння даходаў ад рэкламы на 3%.
Сярод прычын, з якіх «Губка Боб» страчвае папулярнасць, эксперты адзначаюць тое, што мультфільм паказваюць ужо 13 гадоў, і ён займае занадта вялікую долю эфірнай сеткі.
Nickelodeon адмовіўся каментаваць крытыку ў дачыненні «Губкі Боба».
Цяпер чытаюць
У Пскове расіянін забіў беларуса Валерыя за тое, што той патрабаваў паважаць беларускую нацыю3
Каментары