Дызайнерка Маргарыта Канавалава атрымала за яго прэмію памерам 3,5 мільёна рублёў.
Пераможцаю зрабілася графічная дызайнерка з Менску Маргарыта Канавалава. На пярэднім баку білета выяўлены фрагмент карціны Івана Хруцкага «Партрэт невядомай з кветкамі і фруктамі». І на пярэднім, і на заднім баках білета прысутнічаюць элементы музейнай архітэктуры.
Грашоваю прэміяй памерам 3,5 млн руб. Маргарыту Канавалаву ўзнагародзіў партнёр музею – прадпрыемства «British-American Tabacco Trading Company».
«Мабыць, дызайнерка выбрала менавіта гэты фрагмент таму, што мінулы год быў абвешчаны годам Хруцкага, прайшло некалькі цікавых, яркіх выставаў гэтага мастака – у Беларусі, Літве, Парыжы; выйшлі манаграфіі, прысвечаныя яму», – пракаментавала загадчыца аддзелу навукова-асветнай дзейнасці Нацыянальнага мастацкага музею Ірына Скварцова.
Дарэчы,
фрагмент згаданай карціны Хруцкага можна ўбачыць і на купюры наміналам 1 тыс. руб.«Думаю, асацыяцыя з тысячнаю купюраю тут простая. Магчыма, тут ёсць нейкая іранічнасць, уласцівая постмадэрнізму, і гэта было прыцягальным для сябраў журы, якія прагаласавалі за гэтую працу», – адзначыла Ірына Скварцова.
Паводле яе, самым цяжкім у вызначэнні пераможцы быў прыкладна аднолькавы ўзровень майстэрства пададзеных на конкурс працаў. «Пры ацэнцы працаў на першы план выходзілі фармальныя прыёмы – пытанні кампазіцыі, каларыту, вобразнасці», – падкрэсліла прадстаўніца музею.
Для школьнікаў білет у Нацыянальны мастацкі музей каштуе 5 тыс. руб., для студэнтаў – 8 тыс., дарослыя плацяць 20 тыс. руб.
Цяпер чытаюць
Статкевіч: Калі зноў пачнуцца масавыя пратэсты, яны ўжо не будуць такімі мірнымі, як у 2020‑м. А ЕС правільна перастаў верыць казкам Лукашэнкі37
Статкевіч: Калі зноў пачнуцца масавыя пратэсты, яны ўжо не будуць такімі мірнымі, як у 2020‑м. А ЕС правільна перастаў верыць казкам Лукашэнкі
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе1010
Каментары