20 траўня. «Графіці» (зав. Калініна, 16). 19.00.
20 траўня ў межах праекта «12 Unplugged» адбудзецца доўгачаканы сумесны канцэрт гуртоў Guda і «Старога Ольсы»
Да гэтага выступу Guda падрыхтавалі сапраўдны сюрпрыз.
Гурт упершыню ў сваёй гісторыі прадставіць электрычную праграму з рок-складам. Яна створаная разам з музыкамі з готык-метал каманды Volk.Удзельніца гурта Вікторыя Міхно расказвае, як яны да прыйшлі да такога фармату: «Больш за 10 гадоў Guda выпрацоўвала сваю эстэтыку спеву акапэла на падставе найлепшых узораў беларускага фальклору. Яшчэ 10 гадоў мы шукалі спосабы, якімі гэтую эстэтыку можна было б увесці ў кантэкст сучаснай музыкі. Нашы эксперыменты былі заўжды смелымі. Мы выпрацоўваем сваю музычную стылістыку і маем сваё бачанне фальклору, якое распаўсюджваецца і на далёкае мінулае і сёння».
Як і для «гудаў», для «Старога Ольсы» гэта будзе першы выступ у клубе «Графіці». Музыкі ўспрынялі ідэю праекта «12 Unplugged» літаральна і вырашылі наогул не выкарыстоўваць электрычнасць. Лідар каманды Зміцер Сасноўскі кажа, што такім чынам слухачы атрымаюць магчымасць пачуць сапраўдны «жывы» баланс старадаўніх інструментаў.
«Спалучэнне ціхай лютні і гучнай дуды, рамантычнай флейты і агрэсіўных барабанаў, высакароднага рэбека і пранізлівага шалмея створаць своеасаблівы характар і дазволяць перанесціся ў часе», —упэўнена заўважае Зміцер. «Ольсы» плануюць выступаць поўным складам ды зайграць праграму са сваіх найлепшых твораў.
Падчас выступаў гледачы змогуць задаць пытанні музыкам.
Весці імпрэзу па традыцыі будзе Алег Хаменка, музыка і нязменны вядоўца радыёверсіі хіт-параду «Тузін Гітоў».Да ўсяго, наведнікі канцэрту маюць шанец атрымаць прызы ад сяброў «Тузіна Гітоў» — кампаніі «Будзьма беларусамі!».
Канцэрт пачнецца а 19-й 20 траўня (нядзеля) у мінскім клубе «Графіці» (зав. Калініна, 16). Кошт квітка — 60 000 руб. Набыць квіткі можна ў клубе загадзя з 12:00 да 23:00 штодня, акрамя суботы і нядзелі. Інфалінія: (029) 638-44-44, (033) 638-44-44, skype, google: Diskoteq, ICQ: 531-07-353.
-
Як K-pop, толькі B-pop — спявачка Паліна Дабравольская запісала новы альбом на беларускай і польскай мовах
-
«Яндэкс Музыку» немагчыма слухаць». Беларусы абураныя аб’ёмамі цэнзуры праз расійскі закон аб прапагандзе наркотыкаў
-
Беларусы размятаюць квіткі на канцэрты зумера Вані Дзмітрыенкі з Краснаярска не толькі ў Мінску, але ў рэгіёнах
Памёр паэт Уладзімір Карызна, аўтар слоў да цяперашняга дзяржаўнага гімна Беларусі5
Каментары