Былы палітвязень аптымістычна глядзіць у будучыню.
На мінулым тыдні Васіля Парфянкова зноў асудзілі. Цяпер ён павінен правесці пад арыштам паўгода. Пад варту яго не ўзялі, пакуль прысуд не ўступіў у законную сілу. Але Васіль спадзяецца, што за краты яго ўсё-ткі не адправяць.
«Мы будзем падаваць касацыйную скаргу. Спадзяюся, што я траплю пад закон «Аб амністыі».
Падставай для новай крымінальнай справы стала парушэнне прэвентыўнага нагляду Парфянковым. Са студзеня, калі гэты нагляд за ім устанавілі, ён двойчы адсутнічаў дома, калі прыходзілі міліцыянты. Як сам кажа: выходзіў у краму. І яшчэ раз спазніўся на праверку. Ці магчыма было пазбегнуць такіх парушэння?
«Цяжка, каб не было іх, — лічыць Васіль. — Немагчыма з 20.00 да раніцы пастаянна знаходзіцца дома. Я малады чалавек, у мяне ёсць нейкія справы, якія трэба вырашаць».
Той няпоўны год, які былы палітвязень правёў на свабодзе, ён патраціў на тое, каб працаўладкавацца.
«Але мяне не хацелі нідзе браць, бо я судзімы за Плошчу. Усюды казалі, што ім не патрэбныя праблемы».
А калі ўсё-ткі давядзецца зноў апынуцца за кратамі, то просіць яму пісаць лісты. Па яго словах, гэта была самая адчувальная падтрымка ў няволі.
«Лукашэнка мне сказаў: «Хочаш — можаш адказаць нам, ударыць па Мазыры, па заводзе» — Зяленскі32
Каментары