Асацыяцыя BelFilm абрала тры найлепшыя дакументальныя фільмы.
Асацыяцыя BelFilm узнагародзіла пераможцаў конкурсу на лепшы дакументальны фільм, дасланы на адрас асацыяцыі.. Са 124 прэтэндэнтаў журы адабрала тройку пераможцаў, падзелу на «першае, другое і трэцяе» месца не было.
«Наша галоўная задача, абудзіць правінцыю. — кажа Алег Дашкевіч. — Зрабіць беларускую дакументалістыку актуальнай».
У выніку ўзнагароды ад BelFilm атрымалі Ларыса Шчыракова («Аб бедных палешуках замоўце слаўцо»), Кастусь Жукоўскі («Лінія Сталіна — Гомельскі рэгіён») і Уладзімір Вялічкін («Пальчыкі або ўрок гісторыі»).
«Мы ацэньвалі не толькі сюжэт, а хутчэй спалучэнне капітальнай працы над стужкай і актуальнасці. — тлумачыць Дашкевіч. — Далёка не ўсе ролікі, якія мы атрымалі, вытрымлівалі крытыку, аднак тое, што людзі цікавяцца дакументальным кіно і імкнуцца яго ствараць, выдатна».
Спецыяльна для лаўрэатаў невялікі
«Рэч у тым, што ў Еўропе дакументальныя фільмы купляюцца на ўзроўні ідэі, і арыентавацца беларускім дакументалістам варта на фестывалі.
Вельмі важна, каб матэрыял быў беларускі, але пры гэтым меў універсальны характар, каб у фільм выклікаў пачуцці.Цяпер у кожнага ёсць доступ да апаратуры, і кожны можа, стварыўшы фільм, рассылаць яго па фестывалях. З гэтага пачыналі вядомыя рэжысёры — прыкладам, Сяргей Лазніца, чый першы фільм „Як будуюць дом“ быў зусім просты, але пасля трапіў на еўрапейскія фестывалі. Гэта адымае шмат часу і нерваў, аднак гэта сапраўдны спосаб увайсці ў прафесію».
«Наша Ніва» прапануе вам паглядзець
Ларыса Шчыракова «Аб бедных палешуках замоўце слаўцо»
Кастусь Жукоўскі «Лінія Сталіна — Гомельскі рэгіён»
Уладзімір Вялічкін «Пальчыкі або ўрок гісторыі. Берасце ўчора і сёння»
Ці варта купляць закінутую хату за адну базавую і колькі гэта каштуе насамрэч? Вось што расказваюць людзі4
Каментары