Чытаю гутарку Аляксея Знаткевіча з гарадзенскім праваслаўным святаром Мікалаем Гайдуком, якога ўлады вінавацяць за адмову прайсці дактыласкапію.
Пікантанасць справе надае тое, што аб неабходнасці прайсці дактыласкапію ніхто з прадстаўнікоў улады з айцом Мікалаем не гутарыў, а сам святар не бачыў міліцыянта, які не чуўшы і не бачыўшы яго, напісаў, як гэта заведзена ў Беларусі, хлуслівы пратакол на бацюшку. Дадатковая пікантнасць дадаецца тым, што, мяркуючы ім імені і прозвішчу, міліцыянт — аўтар ілжывага пратаколу на праваслаўнага святара — каталік і, не выключана, паляк. Як відаць, кепскі каталік. І палякі, калі міліцыянт пішацца палякам, павінны за яго чырванець.
Гутарка з айцом Мікалаем вартая таго, каб яе растыражавалі нашы недзяржаўныя СМІ. Асаблівае захапленне ў мяне выклікалі два апошнія абзацы. Цытую:
«Знаткевіч: На нашым радыё рэгулярна гучаць рэпартажы, дзе людзі сьцьвярджаюць, што іх судзяць, напрыклад, за брыдкаслоўе, хоць яны не лаяліся і не брыдкасловілі… Вы давяраеце судовай сыстэме?
а. Мікалай: Ну, а ці давяраў судовай сыстэме Хрыстос? А апосталы давяралі? А навамучанікі давяралі судовай сыстэме? Вось Вам і адказ…»
Дзякуй, бацюшка! Лепшага адказу і не прыдумаеш.
-
«Мне казалі: ты гаворыш як канадскі эмігрант». Сяргей Шупа расказаў пра Вільню 90-х, параўнанне літоўскай літаратуры з беларускай і адрозненні паміж народамі
-
Лукашэнка паводзіць сябе ў «макдональдсе» як у савецкай сталоўцы. І думае, што гэта крута
-
Пуцін ужо павіншаваў Маджтабу Хаменеі, а Лукашэнка не. Чаго чакае?
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку16
Каментары