На збітага Андрэя Моўчана склалі пратакол аб супраціве супрацоўнікам міліцыі
У дачыненні да збітага актывіста «Еўрапейскай Беларусі» Андрэя Моўчана складзены адміністрацыйны пратакол аб супраціўленні супрацоўнікам міліцыі.
Як паведаміў Моўчан, вечарам 24 чэрвеня да яго дамоў прыйшлі два капітаны міліцыі, супрацоўнікі УУС Першамайскага раёна.«Яны сказалі, што прыйшлі па справе майго затрымання, якое адбылося 19 мая, і растлумачылі, што атрымалі ліст са Следчага камітэта з просьбай скласці на мяне такі пратакол. Я быў вельмі здзіўлены, бо Следчы камітэт паралельна са справай аб маім збіванні праводзіў праверку адносна маіх дзеянняў падчас затрымання і даў заключэнне, што супрацоўнікам міліцыі я не супраціўляўся», — расказаў Молчан.
Ён адзначыў, што супрацоўнікі міліцыі паказалі яму «ўжо гатовы пратакол». «Гэты пратакол невядома кім складзены, невядома калі, невядома, на якой пасадзе чалавек, што склаў пратакол. Я ўбачыў там толькі тое, што гэты чалавек — лейтэнант. Так што я нават не ўпэўнены, ці прысутнічаў гэты чалавек пры маім затрыманні. Таму я напісаў у пратаколе, што з самім пратаколам і з абвінавачаннем у дачыненні да мяне не згодны. Пасля гэтага супрацоўнікі міліцыі пайшлі», — паведаміў Моўчан.
Афіцыйнага адказу паводле вынікаў расследавання са Следчага камітэта, які працягнуў разгляд гэтай справы да 30 чэрвеня, актывіст пакуль не атрымаў.
***
- Як паведамлялася раней, Моўчан быў затрыманы міліцыяй 19 мая каля ўніверсама «Першамайскі» ў Мінску. У знак салідарнасці са зняволеным віцебскім апазіцыянерам Сяргеем Каваленкам ён разгарнуў
- Першапачаткова ўрачы зафіксавалі ў збітага Моўчана не толькі
Пасля выступлення Луганскага тэатра ў Мінску адна з глядачак выгукнула «Слава Украіне!»5
Каментары