Дамы для пілігрымаў заўсёды ствараюць каля месцаў паломніцтваў людзей, каля санктуарыяў, каб людзі маглі пераначаваць і большы час пабыць з Богам у святым месцы.
У многіх месцах у Еўропе каля касцёлаў ёсць вялікія шматпавярховыя гмахі «Дамоў пілігрымаў». Такі дом з’явіўся і ў Мосары.
Пілігрымы, якія шукаюць Божага супакою і прагнуць наталіць Божай ласкай свае духоўныя прагненні, змогуць знайсці ў ім прытулак, каб адпачыць душою і спыніцца на больш працяглы час у мосарскім санктуарыі.
У суботні вечар, 28 ліпеня 2012 года, у парафіі ўрачыста быў адчынены і асвечаны «Дом пілігрыма». У адкрыцці ўзялі ўдзел айцы францішкане Вальдэмар Куява і Ян Гернік, манахі капуцыны і парафіяне. Такая магчымасць начлегу і «Дом пілігрыма» паўсталі толькі ў гэтым годзе намаганнямі душпастыра і парафіянаў.
У «Доме пілігрыма» ёсць усё для жыцця, усе выгоды, як у горадзе, таму можна спыніцца ў ім разам з дзецьмі. Парафія ў стане прыняць на начлег да 17 чалавек. Умовы простыя, як для пілігрымаў. А што яшчэ трэба, каб пераначаваць, пажыць у святым месцы каля касцёла?
Кожны пілігрым не павінен плаціць грошы, як у аграсядзібах, але можа скласці ахвяраванне, каб хоць пакрыць выдаткі за пражыванне ў парафіі.
Размясціцца можна на неабмежаваны час: на дзень, тры ці тыдзень.
У Мосары таксама шмат сажалак з рыбай і знаходзіцца вялікае возера Царкавішча, прыемнае чыстае паветра, палі, лясы і проста цудоўнае ціхае, прыгожае і святое месца для адпачынку. Ахвотныя таксама могуць папрацаваць каля касцёла ў кветніках.
Як дамовіцца? У нашай парафіі ёсць
Таму шчыра запрашаем пры нагодзе на начлег у «Дом пілігрыма» ў Мосары!
Падрабязная інфармацыя — на сайце mosar.vickyblog.com
Каментары