А ў кожным вагоне — па чатыры відэакамеры
Да 2017 года на кожнай станцыі Мінскага метрапалітэна плануецца ўстанавіць лакалізатары выбуху, а ў кожным вагоне — па чатыры відэакамеры. Пра гэта на
Паводле яго слоў, гэта толькі некаторыя меры, прадугледжаныя доўгатэрміновай праграмай па павышэнні ўзроўню бяспекі метрапалітэна. На гэту праграму, якая ўключае 15 мерапрыемстваў, плануецца зрасходаваць 172 млрд. рублёў. Сёлета ўжо зрасходавана 12 млрд., у наступным годзе плануецца патраціць 16 млрд. рублёў.
Лакалізатары выбуху будуць устаноўлены «на выпадак, калі на станцыі пакінуты невядомы прадмет».«Гэты прадмет можна змяшчаць у лакалізатар, і ён будзе там знаходзіцца да яго эвакуацыі са станцыі падрыўнікамі», — паведаміў Юрэня. У сваю чаргу, паводле яго слоў, камеры ў рэжыме анлайн будуць перадаваць інфармацыю з кожнага вагона.
У метро ўжо ўстаноўлена прыкладна 900 відэакамер, у тым ліку сёлета больш як 300.«Мы бачым практычна ўсё, за выключэннем вагонаў», — падкрэсліў начальнік метрапалітэна.
Ён таксама лічыць, што неабходна стварэнне асобнага сітуацыйнага цэнтра для метро, над чым цяпер працуюць спецыялісты.
Будзе таксама праведзена праца па ўстаноўцы сістэмы відэаназірання за дэпо.
Акрамя таго, сёлета ў метро на станцыях будуць устаноўлены па чатыры пункты экстраннай сувязі,праз якія пасажыры змогуць паведамляць пра надзвычайныя здарэнні і «імгненна выклікаць міліцыянера ці дзяжурнага па станцыі».
Сёлета распачата праца па ўстаноўцы ахоўных
Плануецца арганізаваць зоны надгляду пасажыраў з габарытным багажом на кожнай станцыі. Цяпер такая зона працуе на станцыі «Кастрычніцкая». Мяркуецца таксама павялічыць штат службы аховы метрапалітэна да 166 чалавек, якія «будуць працаваць у цесным узаемадзеянні з міліцыяй, патруляваць вестыбюлі, пераходы, платформы». «Нам пакуль не хапае рук і вачэй», — адзначыў Юрэня.
Каментары