Удзельніцам
Сёння ўдзень у Хамоўніцкім судзе Масквы удзельніцам гурту Pussy Riot абвесцяць прысуд.
Надзеі Талаконнікавай, Марыі Алёхінай і Кацярыне Самуцэвіч пагражае тры гады калоніі - такі тэрмін для іх патрабуе абвінаваўца.
З лютага гэтага года, калі феміністкі праспявалі свой «панк-малебен» ў храме Хрыста Збавіцеля ў Маскве, справа Pussy Riot ўстала ў шэраг самых гучных судовых працэсаў сучаснай Расіі, а тры арыштаваныя дзяўчыны атрымалі сусветную вядомасць.Гарачыя спрэчкі аб Pussy Riot не сціхаюць ні на дзень, лагеры прыхільнікаў і праціўнікаў панк-гурту штодня папаўняюць знакамітасці.
У іх абарону выступалі Мадона і Пол Макартні, Стынг і Стывен Фрай, Б'ёрк і Дэні Дэ Віта, Red Hot Chili Peppers і Franz Ferdinand. Расійскіх знакамітасцей, якія падпісалі заклік адпусціць Pussy Riot, аказалася больш за сотню.Адпусціць удзельніц «панк-набажэнства» патрабавалі сусветныя зоркі першай велічыні.
Лагер праціўнікаў і выкрывальнікаў панк-гурту трохі сціплейшы. З замежных знакамітасцяў дзяўчат крытыкавала толькі зорка 90-х Эні Ленакс, але і яна выказала надзею на «менш суровы» суд.
У Расіі найбольш яркім барацьбітом з Pussy Riot стала Алена Ваенга, якая паабяцала выпіць за здароўе суддзі, калі дзяўчыны атрымаюць максімальны тэрмін.Асудзілі «пусек» таксама Анастасія Волочкова і Валерыя.
Цяпер чытаюць
Полк Каліноўскага паведаміў пра гібель трох байцоў4
Каментары