NVV Group плануе збудаваць такія гандлёвыя цэнтры па ўсёй Беларусі.
У Заслаўі будуюць гіпермаркет. Участак плошчай у 5 га размешчаны на ўскраіне мікрараёна-2. Побач месціцца квартал жылой забудовы 2006-2011 гадоў, а таксама рэкрэацыйная зона.
Згодна пашпарта аб’екта цяпер адбываецца першая чарга будаўніцтва гандлёва-грамадскага цэнтра, якая мусіць скончыцца ў лістападзе гэтага года. Пачаліся працы ў маі.
На сёння ў Заслаўі працуюць каля дзясятка гандлёвых аб’ектаў, з іх два ўніверсамы.
Замоўца праекту — ТАА «Прыгарадбудінвест», якое ўваходзіць у склад групы кампаній «NVV Group». Гіпермаркет у Заслаўі — не адзіны такі праект у планах кампаніі.
Баранавічы — гандлёвы цэнтр размесціцца насупраць новага ўніверсітэцкага гарадка БарДУ. Пад яго адвядуць участак плошчай 3,7 га.
Бараўляны — будзе адзінай крамай у раёне шчыльнай забудовы (каля 1500 кватэр). Агульная плошча гіпермаркета можа скласці да 2500 кв.м.
Мазыр — гандлёвы цэнтр збудуюць на вуліцы Гагарына. Тут размесцяцца супермаркеты харчовых і прамысловых тавараў, супермаркет будматэрыялаў, офісы, кавярні і цэнтры побытавага і сервіснага абслугоўвання.
Мінск — зона абслугоўвання будучага гандлёвага цэнтра ахоплівае тэрыторыі Маскоўскага і Фрунзенскага раёнаў з колькасцю жыхароў каля 600 тысяч чалавек.
Пружаны — мясцовы гандлёва-грамадскі цэнтр плануюць збудаваць у раёне вуліцы Свабоды.
Рэчыца — будучы гіпермаркет размесціцца ў цэнтры горада—недалёка ад перасячэння вуліц Леніна і Маладзёжнай. Агульная плошча ўчастка зямлі — 0,96 га.
У Полацку кампанія мае намеры збудаваць шматфункцыянальны цэнтр.
Борт Лукашэнкі з-за тэхнічных праблем вярнуўся ў Мінск без яго13
Каментары