абноўлена ў 22:06
У Смаргоні акцыя памяці Лапіцкага — затрымалі жыхароў і мастакоў + фота
Мастакі прайшліся з карцінамі па вуліцах горада. Ноч яны правядуць у пастарунку. У панядзелак — суд.
Раніцай 2 верасня ў Смаргоні былі адзначаныя чарговыя ўгодкі з дня нараджэння кіраўнікаСмаргонска-Вілейскага незалежніцкага падполля Расціслава Лапіцкага (1928–1950), расстралянага ў 1950 г.
Мастак са Смаргоні Валянцін Варанішча, юнак Уладзімір Шульжыцкі разам з сябрамі суполкі «Пагоня» Беларускага саюза мастакоў Генадзем Драздовым, Алесем Цыркуновым і Алесем Пушкіным наведалі праваслаўны храм, дзе былі асвячаныя чатыры намаляваныя Пушкіным партрэты Лапіцкага і быў замоўлены малебен у памяць аб бязвінна забітым юнаку.
Пасля з асвячанымі карцінамі яны прайшлі да помніка Францішку Багушэвічу у гарадскім парку, дзе выставілі карціны.
Акцыі выклікала нервознасць супрацоўнікаў Смаргонскага РАУС. Назіралі дзве асобы ў цывільным, потым падышлі два супрацоўнікі ў форме. Перамовіліся з удзельнікам, але акцыю не спынілі.
Удзельнікі жалобнай акцыі прастаялі там каля паўгадзіны і рушылі з карцінамі ў бок дома Валянціна Варанішчы, адначасова раздаючы буклеты аб Лапіцкім. Метраў праз 300 удзельнікаў затрымалі супрацоўнікі РАУС.
Ноч затрыманыя правядуць у пастарунку, у панядзелак -- суд. Мастакоў вінавацяць у несанкцыянаванай акцыі.
35 маладых беларусаў і беларусак, за якімі варта сачыць: апублікаваны першы спіс Next 3532
Каментары