У Баранавічах загінуў салдат, яго прыціснула бетоннай плітой
Трагедыя адбылася днём 29 кастрычніка.
Як паведаміў Intex-press афіцыйны прадстаўнік Упраўлення Следчага камітэта па Брэсцкай вобласці Руслан Макарук, трагедыя адбылася днём 29 кастрычніка.
«Пры правядзенні дэмантажу даху былой заправачнай станцыі, размешчанай на тэрыторыі часці абрынулася бетонная пліта, пры гэтым быў смяротна траўміраваны вайсковец тэрміновай службы»,— коратка распавёў пра абставіны здарэння ён.
У якой частцы адбылася трагедыя, узрост загінулага і адкуль ён родам, Руслан Макарук не паведаміў.
Па неафіцыйнай інфармацыі, салдат родам з Брэсцкай вобласці, служыў у 85-й брыгадзе сувязі.
Праверку па факце гібелі салдата тэрміновай службы праводзіць Баранавіцкі гарадскі аддзел Следчага камітэта.
Цяпер чытаюць
«Для беларускіх уладаў я, хутчэй, магчымасць, а не пагроза». Калеснікава дала вялікае інтэрв’ю Золатавай82
Каментары