Вярхоўны суд Бразіліі 12 лістапада прысудзіў былога кіраўніка адміністрацыі прэзідэнта краіны Луіса Інасіу Лулы да Сілвы да 11 гадоў пазбаўлення волі, паведамляе AgenceFrance-Presse .
Жазэ Дзірсэу, кіраўнік прэзідэнцкай адміністрацыі з 2003 па 2005 год і адзін з заснавальнікаў Працоўнай партыі Бразіліі, быў асуджаны 10 кастрычніка.
Разам з двума іншымі членамі партыі яго прызналі вінаватым у выкарыстанні дзяржаўных сродкаў для подкупу членаў апазіцыйных партый падчас галасаванняў у парламенце з 2003 па 2005 гады. Усяго, паводле версіі следства, у гэтай схеме бралі ўдзел 38 чалавек з атачэння
Выплачваючы дэпутатам грошы, удзельнікі злачыннай схемы забяспечвалі іх лаяльнасць пры прыняцці рашэнняў, ініцыяваных Працоўнай партыяй.У некаторых выпадках сума выплат дасягала 10 тысяч даляраў у месяц.
Усе абвінавачаныя па справе адмаўляюць сваю віну, сцвярджаючы, што працэс над імі палітычна матываваны. У сваю чаргу, былы прэзідэнт краіны Лула да Сілва заявіў, што не ведаў пра існаванне схемы па подкупу дэпутатаў.
Каментары