Тым часам зьвесткі пра продаж СП ТАА «Мабільная лічбавая сувязь» (Velcom) і БеСТ не знайшлі пацьверджаньня.
Паводле словаў намесьніка міністра сувязі і інфарматызацыі Мікалая Струкава, падчас першага этапу дэманапалізацыі «Белтэлекаму» арганізацыя была падзеленая на дзьве структуры: цяпер за паштовую сувязь адказвае РУП «Белпошта», за электрасувязь — «Белтэлекам». На сёньня адбываецца тэхнічная мадэрнізацыя, што ўключае ў сябе пабудову апорнай сеткі Інтэрнэт, стварэньне лініяў міжнароднай сувязі, оптавалаконных лініяў. На гэтым этапе прадпрыемства рыхтуецца да працы ў рынкавых умовах. У бягучым годзе пачнецца трэці этап, які скончыцца ў 2009 г. За гэты час зьменяць мэнэджмэнт прадпрыемства, з мэтаю пазьбяганьня перакрыжаванага субсідыяваньня створаць разьдзельны ўлік выдаткаў. Апошняе павінна палепшыць тарыфную палітыку. Адначасова «Белтэлекам» створыць інфраструктуру для праекту Metro Ethernet. Плянуецца, што да кожнага дому ў сталіцы будзе падведзены оптавалаконны кабэль, што дазволіць падпісчыкам паслугаў атрымліваць па адным канале тэлефонны і тэлевізійны сыгнал, а таксама карыстацца паслугамі Інтэрнэт.
Сёлета плянуецца дэманапалізацыя ў сфэры міжнародных паслугаў. Гэта, а таксама допуск на рынак замежных правайдэраў у 2007 г. зьяўляецца адной з умоваў уступленьня краіны ў Сусьветную гандлёвую арганізацыю. Цалкам рынак паслугаў электрасувязі лібэралізуецца пасьля напаўненьня фонду ўнівэрсальнага абслугоўваньня, утворанага прэзыдэнцкім указам №96 ад 20 лютага.
Тым часам зьвесткі пра продаж СП ТАА «Мабільная лічбавая сувязь» (Velcom) і БеСТ не знайшлі пацьверджаньня. Намесьнік міністра Мікалай Струкаў пакуль не гатовы камэнтаваць выказваньне прэзыдэнта аб магчымым продажы двух мабільных апэратараў. Нагадаем, што расейскі сотавы апэратар «Білайн» ужо агучыў намер набыць пакет акцыяў аднаго зь беларускіх мабільных апэратараў. Па словах М. Струкава, разглядаецца магчымасьць атрыманьня дзеючымі айчыннымі апэратарамі ліцэнзіі на выкарыстаньне мабільнай сувязі трэцяга пакаленьня G3. Пры гэтым, каб дасягнуць шырокай даступнасьці G3‑сувязі, кошт ліцэнзіяў для апэратаў ня будзе высокім.
Цяпер чытаюць
«Рэтранслятары выключыць, зняць і паказаць нам, што яны знятыя». Зяленскі патлумачыў, чаму паставіў ультыматум і што мае зрабіць Мінск14
Каментары