Tym časam źviestki pra prodaž SP TAA «Mabilnaja ličbavaja suviaź» (Velcom) i BieST nie znajšli paćvierdžańnia.
Pavodle słovaŭ namieśnika ministra suviazi i infarmatyzacyi Mikałaja Strukava, padčas pieršaha etapu demanapalizacyi «Biełtelekamu» arhanizacyja była padzielenaja na dźvie struktury: ciapier za paštovuju suviaź adkazvaje RUP «Biełpošta», za elektrasuviaź — «Biełtelekam». Na siońnia adbyvajecca techničnaja madernizacyja, što ŭklučaje ŭ siabie pabudovu apornaj sietki Internet, stvareńnie linijaŭ mižnarodnaj suviazi, optavałakonnych linijaŭ. Na hetym etapie pradpryjemstva rychtujecca da pracy ŭ rynkavych umovach. U biahučym hodzie pačniecca treci etap, jaki skončycca ŭ 2009 h. Za hety čas źmieniać menedžment pradpryjemstva, z metaju paźbiahańnia pierakryžavanaha subsidyjavańnia stvorać raździelny ŭlik vydatkaŭ. Apošniaje pavinna palepšyć taryfnuju palityku. Adnačasova «Biełtelekam» stvoryć infrastrukturu dla prajektu Metro Ethernet. Planujecca, što da kožnaha domu ŭ stalicy budzie padviedzieny optavałakonny kabel, što dazvolić padpisčykam pasłuhaŭ atrymlivać pa adnym kanale telefonny i televizijny syhnał, a taksama karystacca pasłuhami Internet.
Sioleta planujecca demanapalizacyja ŭ sfery mižnarodnych pasłuhaŭ. Heta, a taksama dopusk na rynak zamiežnych pravajderaŭ u 2007 h. źjaŭlajecca adnoj z umovaŭ ustupleńnia krainy ŭ Suśvietnuju handlovuju arhanizacyju. Całkam rynak pasłuhaŭ elektrasuviazi liberalizujecca paśla napaŭnieńnia fondu ŭniversalnaha absłuhoŭvańnia, utvoranaha prezydenckim ukazam №96 ad 20 lutaha.
Tym časam źviestki pra prodaž SP TAA «Mabilnaja ličbavaja suviaź» (Velcom) i BieST nie znajšli paćvierdžańnia. Namieśnik ministra Mikałaj Strukaŭ pakul nie hatovy kamentavać vykazvańnie prezydenta ab mahčymym prodažy dvuch mabilnych aperataraŭ. Nahadajem, što rasiejski sotavy aperatar «Biłajn» užo ahučyŭ namier nabyć pakiet akcyjaŭ adnaho ź biełaruskich mabilnych aperataraŭ. Pa słovach M. Strukava, razhladajecca mahčymaść atrymańnia dziejučymi ajčynnymi aperatarami licenzii na vykarystańnie mabilnaj suviazi treciaha pakaleńnia G3. Pry hetym, kab dasiahnuć šyrokaj dastupnaści G3‑suviazi, košt licenzijaŭ dla aperataŭ nia budzie vysokim.
Ciapier čytajuć
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary