У нядзелю эвангельскія хрысьціяне будуць маліцца ўсім Менскам
Гэтая малітва станецца рэакцыяй эвангельскіх хрысьціянаў на арышт пастара пяцідзясятніцкай царквы Антонія Бакуна 27 траўня ў часе сьвяточнай багаслужбы, якога абвінавацілі ў «правядзеньні рэлігійнага сходу без спэцыяльнага дазволу».
У нядзелю 3 чэрвеня а 18.00 у менскай царкве «Боская ласка» адбудзецца агульнагарадзкая малітва эвангельскіх хрысьціянаў.
Вернікі будуць маліцца за магчымасьць правядзеньня багаслужбаў зарэгістраванымі суполкамі ў жылых ды іншых памяшканьнях, а таксама за тое, каб жылыя памяшканьні можна было пераводзіць у культавыя.
Апроч малітвы, вернікі маюць прыняць зварот да кіраўніка Беларусі.
Гэтая малітва станецца рэакцыяй эвангельскіх хрысьціянаў на арышт пастара пяцідзясятніцкай царквы Антонія Бакуна 27 траўня ў часе сьвяточнай багаслужбы, якога абвінавацілі ў «правядзеньні рэлігійнага сходу без спэцыяльнага дазволу».
29 траўня біскуп Аб’яднанай царквы ХВЭ ў Беларусі Сяргей Хоміч у адкрытым звароце ў ГУУС Менгарвыканкаму адзначыў, што «гэтыя падзеі паказваюць неабходнасьць перагляду рэлігійнага заканадаўства дзеля прывядзеньня яго ў адпаведнасьць з Канстытуцыяй Беларусі».
Цяпер чытаюць
Беларус зрабіў прапанову каханай каля знакамітага фантана Трэві ў Рыме — пад апладысменты дзясяткаў турыстаў20
Каментары