Андрэй Расінскі. Кадры

Адбылося ўрачыстае адкрыцьцё кінафэсту «Magnificat-2007»

У мястэчку Ўдзела 21 чэрвеня прайшла цырымонія адкрыцьця ІІІ Міжнароднага каталіцкага фэстывалю хрысьціянскіх фільмаў і тэлепраграм «Magnificat-2007».

film.ruУ мястэчку Ўдзела 21 чэрвеня прайшла цырымонія адкрыцьця ІІІ Міжнароднага каталіцкага фэстывалю хрысьціянскіх фільмаў і тэлепраграм “Magnificat-2007”.

У касьцёле Безаганнага Зачацьця Найсьвяцейшай Панны Марыі адбылася ўрачыстая Сьвятая імша з удзелам Апостальскага нунцыя ў Беларусі Марціна Відавіча, Старшыні Канферэнцыі каталіцкіх біскупаў Беларусі Аляксандра Кашкевіча, біскупа Антонія Дзям’янкі і біскупа Ўладзіслава Бліна.

Біскуп Аляксандар Кашкевіч падкрэсьліў, што сёньня кінэматаграфісты ўсё часьцей зьвяртаюцца да хрысьціянскіх тэмаў – і важна пра Хрыста сьведчыць, а не спрабаваць выкарыстоўваць у сваіх мэтах, як гэта пнуліся зрабіць фарысеі.

Ля помніка Максыміліяну Кольбэ выступілі першы намесьнік старшыні Глыбоцкага райвыканкаму Віналій Пяткевіч, прэзідэнт каталіцкай асацыяцыі для камунікацый “SIGNIS-Эўропа” Джос Хорэманс. Ліст ад імя ўпаўнаважанага па справах рэлігій і нацыянальнасьцяў Леаніда Гулякі зачытала кіраўнік Глыбоцкага аддзела культуры Марыя Паляк, а пасланьне з Ватыкану Арцыбіскупа Джона Фоўлі, прэзыдэнта Папскай Рады па пытаньнях сацыяльнай камунікацыі – прагучала з вуснаў дырэктара фэстывалю кс.Аляксандра Амяльчэні.

Манахіня Сафія, прэзыдэнт Праваслаўнага кінафэстывалю “Сустрэча” з Обнінску, параўнала сучасных дакумэнталістаў з апосталамі, якія пакліканыя сьведчыць пра Хрыста і прыводзіць людзей да Бога. А старшыня кінафэсту Юры Гарулёў падкрэсьліў, што творцы імкнуцца быць непадобнымі адзін на аднаго, “але мы ўсе павінны быць разам у духоўным імкненьні да Бога. І таму мы стаім тут побач: праваслаўныя, пратэстанты і католікі.”

Традыцыйны кадр з “кінахлапушкай”. Біскупы, Апостальскі нунцый, старшыня журы Крыстына Лялько, старшыня фэсту Юры Гарулёў абвяшчаюць: “Magnificat – дубль 3”.

ІІІ Міжнародны каталіцкі фэстываль хрысьціянскіх фільмаў і тэлепраграм адкрыўся.

film.ru

У музэі Максыміліяна Кольбе прэм’ера “незвычайнага фільма незвычайнага аўтара”.

Пазаконкурсная стужка “Чары прыроды. У лесе” створаная ксяндзом Казімірам Сьвёнтэкам. Як распавёў Юры Гарулёў, Яго Эмінэнцыя паставіў карціну, калі быў пробашчам у Пінску. Гарулёў зьвярнуў увагу на майстэрства апэратара Сьвёнтэка, рэжысэра Сьвёнтэка і мантажніка Сьвёнтэка.

Насычаныя колерамі пляны лесу пад удумлівыя вершы зьмяняюцца ўважлівымі партрэтамі лясных жыхароў. “Карціну добра выкарыстоўваць для арт-тэрапіі, каб здымаць агрэсію ў падлеткаў” – заўважае манахіня Сафія, псыхоляг па адукацыі.

Тэлеперадача “Лёс чалавека. Айцец Казімір” распавяла пра ксяндза Казіміра Жыліса, які мужна адстойваў веру ў савецкія часы, а ў незалежнай Беларусі стаўся спаведнікам зьняволеных Гарадзенскай турмы. Харвацкі фільм “Шляхамі памяці” – пра пакалечаных вайной вайскоўцаў, якія пілігрымуюць да Лурдзкай Божае маці.

Увечары фэстываль працягнуўся ў Глыбокім.

Фота з сайту signis.by

Каментары

Цяпер чытаюць

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Усе навіны →
Усе навіны

Жанчыны пад Маладзечнам стварылі падпольную каталіцкую грамаду — і перажылі СССР7

Парадокс багатых краін: пенсіянеры заможныя як ніколі, але дзяржавы трацяць на іх усё больш грошай6

Чаму зімой не варта трымаць ежу на балконе?5

Сэкс з эфектам прысутнасці. У амерыканскіх 4DX кінатэатрах з'явіўся новы трэнд5

На пуцеправодзе паміж Каменнай Горкай і Лебядзіным у Мінску ўжо ўключаюць падсветку ФОТАФАКТ

У Мінску з аўкцыёну прадаюць культавы амерыканскі пікап. Ён у жахлівым стане, але каштуе дорага1

12‑гадовая дачка бізнэсмена Зінгмана перамагла ў расійскім аналагу дзіцячага «Еўрабачання»24

У лесе на мяжы Беларусі з Латвіяй знік кеніец. Яго шукаюць сваякі3

У Атлантычным акіяне імкліва разрастаецца гіганцкі пояс водарасцяў1

больш чытаных навін
больш лайканых навін

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Галоўнае
Усе навіны →

Заўвага:

 

 

 

 

Закрыць Паведаміць