Француская газэта «Le Monde» надрукавала копію справаздачы, падрыхтаванай, як сьцьвярджаецца, памочнікамі кіраўніка прамаскоўскае адміністрацыі Чачэніі Ахмада Кадырава і перададзенай у сакавіку Ўладзімеру Пуціну. Паводле справаздачы, за 2002 г. у Чачэніі было забіта 1314 цывільных асобаў.
Падаецца й сьпіс з 49 выяўленых месцаў масавых пахаваньняў. У адным зь іх, у цэнтры Грознага, выяўлена 260 целаў. Паблізу дачнага пасёлку Ханкала, дзе месьціцца найбольшая расейская вайсковая база, знойдзена 43 трупы, у Алхан-Кале — 35 і г.д.
У другой частцы дакладу пералічаныя забойствы, выпадкі знаходкі целаў зь сьлядамі гвалтоўнае сьмерці ды чалавечых парэшткаў. Пра магчымую датычнасьць да злачынстваў расейскіх войскаў сьведчыць іх дысьлякацыя ў найбліжэйшых ад месцаў забойстваў чачэнскіх вёсках.
У студзені—сакавіку 2003 г. у Чачэніі зафіксавана 70 забойстваў, 126 выкраданьняў, 19 зьнікненьняў і 25 выпадкаў знаходжаньня фрагмэнтаў чалавечых целаў.
Навошта ж быў зроблены гэты даклад? Газэта тлумачыць яго падрыхтоўку амбіцыямі Кадырава, які хацеў бы ўмацаваць свае палітычныя пазыцыі і зьменшыць уплыў вайскоўцаў, што акупуюць рэспубліку.
Прэс-сакратар Крамля па Чачэніі Сяргей Ястржэмбскі не пацьвердзіў і не абверг інфармацыі пра справаздачу.
Паводле «Le Monde»
Цяпер чытаюць
Бабарыка: Не могуць здымацца санкцыі з прадпрыемстваў і людзей, задзейнічаных у вайне. Выпусціце палітвязняў цаной забойства ўкраінцаў?14
Бабарыка: Не могуць здымацца санкцыі з прадпрыемстваў і людзей, задзейнічаных у вайне. Выпусціце палітвязняў цаной забойства ўкраінцаў?
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць88
Каментары