Мінскі школьнік праспаў прыпынак. Але кіроўца аўтобуса давёз яго дадому!
Сацсеткі абмяркоўваюць учынак вадзіцеля аднаго з аўтобусаў Мінска.
Гісторыю распавяла мама юнага пасажыра. Хлопец ехаў на 124‑м аўтобусе дадому са школы і задрамаў. А калі прачнуўся, зразумеў: яго прыпынак ужо праехалі.
«Сёння сутыкнуліся з вельмі Чалавечым учынкам ад кіроўцы аўтобуса №124 з Мінска! Сын праспаў прыпынак, спалохаўся, тэлефон як на злосць забыўся дома, падышоў да кіроўцы», — напісала мама хлопчыка ў Threads.
Рэакцыя кіроўцы аказалася нечаканай: замест таго каб проста высадзіць дзіця на бліжэйшым прыпынку, мужчына хутка паабедаў на канцавым, пасля чаго адвёз школьніка проста да яго прыпынку.
Такі ўчынак кіроўцы скарыў беларусаў. Яны цяпер масава захапляюцца і просяць «Мінсктранс», каб кіроўцу знайшлі і падзякавалі за дабрыню.
Каментары