Танец жывата
Новая мода ў сталіцы: навучацца танцу жывата ў менскіх клюбах каштуе ад 15 да 40 даляраў у месяц (заняткі двойчы на тыдзень). Групы перапоўненыя, запісацца цяжка. Па тэрапэўтычным эфэкце танец жывата пераўзыходзіць нават ёгу, ня кажучы пра шэйпінг ды аэробіку. Ён фармуе цягліцы і адначасова масажуе ўнутраныя органы, паляпшае кровазварот і гнуткасьць хрыбта.
Моду на танец жывата падагрэлі першы чэмпіянат Беларусі і трэці фэстываль бэлідансу «Ўсходнія слодычы», якія прайшлі ў лістападзе і сьнежні. Фэстываль быў арганізаваны рэстарацыяй «Астара», і ў к/з «Менск» не было вольных месцаў.
На сваёй радзіме, у Сярэдняй Азіі, танец жывата ў заняпадзе. Ісламісцкія настроі ў Эгіпце ў 80-я прымусілі многіх вядомых танцоўшчыц пакінуць сцэну. Некаторым фундамэнталісты нават плацілі за гэта грошы. У фундамэнталісцкіх краінах танец жывата танчаць толькі жанчыны сярод жанчын, і не са сцэны, а ў хаце. Ладная частка сцэнічных танцоўшчыц у Эгіпце — нашы суайчыньніцы і расейкі. Два гады выступала там сёлетняя чэмпіёнка Беларусі, гарадзенка Алена Дзенісенка.
ВДз
Літоўскі вясковы падворак на мяжы з Беларуссю выглядае, як аўтасалон па продажы прэміяльных аўто ВІДЭА1
Каментары