Прачытаў, што ў Беларусі згодна з пастановай Міністэрства аховы здароўя ад 21.12.2012 падаражэлі лекі айчыннай вытворчасці: сардэчныя, супрацьінфекцыйныя і супрацьпухлінныя прэпараты ад 6 да 20%. А за мінулы год цэны на лекі ўвогуле выраслі на 27,8%.
У мяне, пенсіянера, неяк адразу на душы зрабілася спакойна і нервы сціхлі — не турбуюць уночы. Цяпер не трэба хвалявацца за сваё здароўе, каб падоўжыць свой век, каб як-небудзь дацягнуць да адведзенага мне апошняга рубяжу. Цяпер ужо не куплю ў аптэцы тых самых сардэчных прэпаратаў, калі раптам зашчыміць сэрца. Дзе ж цяпер іх дакупішся? Хапіла б пенсіі на хлеб ды малако, а лекі ўжо як прыйдзецца.
Хачу падзякаваць ураду нашаму за клопат пра мяне, каб доўга ў гэтым жыцці не хварэў, а адразу, з першымі сімптомамі хваробы, рыхтаваўся ў апошні шлях. Дзякую.
даслаў чытач Міхась Спірыдовіч, пенсіянер з Івянца
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ