Мядзведзеў прыкусіў язык пасля рашэння Трампа адправіць да Расіі ядзерныя падлодкі
Былы прэзідэнт Расіі нечакана замаўчаў у сацыяльных сетках пасля таго, як прэзідэнт ЗША абвясціў пра перакіданне да Расіі ядзерных падлодак у адказ на пагрозы Мядзведзева задзейнічаць «Мёртвую руку» — сістэму ядзернага ўдару ў адказ, створаную ў часы СССР, піша The Moscow Times.
Раней не саромеючыся ў выказваннях і стаўшы галоўным агучвальнікам агрэсіўнай рыторыкі Крамля, Мядзведзеў не апублікаваў ніводнага паста ў сваім Telegram‑канале з 31 ліпеня.
Тады ён пагразіў Трампу ядзернай вайной і «хадзячымі мерцвякамі» ў адказ на заявы пра «мёртвую эканоміку» Індыі і Расіі. Замаўчалі таксама акаўнты Мядзведзева ў X як на расійскай, так і на англійскай мовах.
У адказ на пасты Мядзведзева Трамп спачатку прапанаваў яму «сачыць за словамі», а потым абвясціў пра размяшчэнне дзвюх падлодак флота ЗША ў «адпаведных раёнах», каб «абараніць» амерыканскі народ.
Пазней Трамп удакладніў, што адправіў субмарыны бліжэй да Расіі, і заявіў, што ЗША «цалкам гатовыя» да ядзернай вайны. «Пагроза прагучала, і мы палічылі яе недарэчнай», — сказаў Трамп.
Магчыма, Мядзведзеў зараз у «шоку», лічыць палітолаг Абас Галямаў: «Ён ужо даўно адвучыўся ад таго, што словы могуць мець наступствы. Жыццё ў такім рэжыме адвучыла яго ад гэтага».
Хоць Трамп не ўдакладніў, пра якія падлодкі ідзе гаворка, хутчэй за ўсё гаворка пра стратэгічныя субмарыны класа Ohio, мяркуе вайсковы эксперт Юрый Фёдараў.
«На кожным (такім) ракетаносцы ёсць 24 пускавыя ўстаноўкі ракет Trident. А на кожнай ракеце Trident ёсць 8 баявых галовак. Прыблізна 100‑кілатоннай магутнасці», — распавядае Фёдараў. Такім чынам, дзве названыя Трампам падлодкі нясуць больш за 350 баявых галоў. Яны здольныя цалкам знішчыць еўрапейскую тэрыторыю Расіі, а таксама гару Ямантаў, дзе знаходзіцца штаб «Мёртвай рукі», якой пагражаў Мядзведзеў Трампу, адзначае Фёдараў.
Мядзведзеў прыгразіў ЗША вайной пасля таго, як Трамп скараціў тэрмін ультыматуму Пуціну
Трамп назваў Мядзведзева «былым прэзідэнтам-няўдачнікам» і параіў сачыць за словамі
У адказ на балбатню Мядзведзева Трамп загадаў перамясціць ядзерныя падводныя лодкі
Трамп палохае Маскву атамнымі падлодкамі — эксперты баяцца новага Карыбскага крызісу
Цяпер чытаюць
Пяць дзён, 60 удзельнікаў, саўна, більярд і крыкі адзін на аднаго. Расказваем, як прайшла закрытая «гульня Мацкевіча»42
Каментары