Беларускі гінеколаг у Варшаве Ганна Каско ў мінулым месяцы зарабіла $45 тысяч
Беларуска, якая стала адной з самых вядомых спецыялістак Варшавы, расказала, як у яе атрымліваецца так шмат зарабляць і чаму яна выступае супраць пакетаў медычных паслуг.
Гінеколаг Ганна Каско пераехала ў Польшчу чатыры гады таму. Цяпер яна адна з самых вядомых спецыялістаў Варшавы.
У падкасце Lera Ruma, Ганна расказала, што яна як гінеколаг у прыватнай клініцы за адны роды атрымлівае каля 1800 злотых (каля 485 долараў). Але, як запэўнівае жанчына, яна зарабляе добра.
У мінулым месяцы, па словах Ганны, яе заробак 45 тысяч даляраў у эквіваленце. Гэта яе рэкорд.
Мінімальна яна атрымлівала прыкладна 25 тысяч даляраў — у месяц, калі з'язджала ў адпачынак.
Жанчына расказвае, як у яе атрымліваецца столькі зарабляць:
«Гэты тры працы — два цэнтры і раддом. (…) Не кожны так працуе. (…) З шостай ранку да 10-й вечара. Пачатак у 6:00-6:30, як там запісаліся.. (…)
Я магу да 8-й [вечара] папрацаваць. Магу да 7-й вечара, калі мне трэба пайсці на пазногці. А так я як захачу, так і працую. (…) Гэта кожны дзень, акрамя нядзелі. І то ў нядзелю ў мяне бываюць роды. (…) Ну я не скажу, што мне цяжка. Я шмат працую, але я працую ў задавальненне», — даводзіць доктар.
Заробленыя грошы, як сцвярджае Ганна, яна накіроўвае ў развіццё ўласнага бізнесу — медыцынскі цэнтр у Варшаве.
Па словах Ганны, з 450 злотых (каля 120 долараў), які бярэ прыватны цэнтр за прыём гінеколага з УГД, ёй застаецца 60%.
Пры гэтым, як адзначае доктар, яна не прыхільніца розных пакетаў паслуг, кшталту суправаджэння цяжарнасці. Бо ў кожнай жанчыны свая сітуацыя, якую нельга прадугледзець у стандартным пакеце.
«Напрыклад, я хачу вам дадаць бялок, ферыцін, вітамін D, а гэта не ўключана ў стандартныя пакеты», — тлумачыць Каско і дадае, што ёй самой нецікава, каб пацыент затрымаўся:
«Ты прыходзіш да доктара, ты не ведаеш яго. Можа, вы возьмеце гэты пакет, а я вам не спадабаюся. Вы заплаціце за яго, і вам потым са мной не захочацца. Ну вось бывае ж такое.
Я лічу, што трэба раз, другі раз прыйсці і паглядзець на доктара. Калі табе падабаецца, усё, застаёмся. Выбірае як доктар вас, так і вы яго. Гэта значыць, тут павінна быць усё ўзаемна. Гэта вельмі важна, таму што як пройдзе ваша цяжарнасць, якія застануцца ў вас уражанні пра яе. Я за тое, каб прыходзілі на прыём і плацілі за гэты раз.
І тады чалавек да цябе не прывязаны. Ён можа заўсёды перайсці да іншага доктара, калі захоча».
Цяпер чытаюць
Ціханоўская і Зяленскі ўпершыню правялі сустрэчу. Зяленскі запрасіў Святлану ў Кіеў14
Каментары