Біятланістка Дзінара Смольская (Алімбекава) стала ахвярай падману ў інстаграме. У выніку засталася без кветак, грошай і з сапсаваным настроем.
Дзінара распавяла пра непрыемны выпадак на сваёй старонцы. Некалькі дзён таму спартоўка хацела парадаваць кагосьці ў Санкт-Пецярбургу кветкамі. Яна знайшла ў інстаграме акаўнт нейкай кветкавай крамы, якая прапаноўвала дастаўку прыгожых букетаў па гэтым горадзе. Абрала варыянт, які спадабаўся, аплаціла яго…
Кветкі кампанія па названаму адрасу не прывезла, на паведамленні і тэлефанаванні адказваць перастала, а сама Дзінара ў нейкі момант зразумела, што той акаўнт дадаў яе ў чорны спіс — таму яна нават тэгнуць нядобрасумленных людзей не можа.
Старонка крамы cvety_piter_spb існуе з верасня 2024 года. Там шмат прыгожых здымкаў і 22,5 тысячы падпісчыкаў. Але, што дзіўна, пад фота (якія маюць сотні лайкаў) няма каментарыяў — а калі яны з’яўляюцца, адмін іх хутка выдаляе (нават калі гэта было простае: «Вельмі падабаецца, як замовіць?»).
Калі пашукаць па імені акаўнта водгукі ў інтэрнэце, дык можна знайсці негатыўныя водгукі на інстаграм-краму амаль з такой самай назвай — cvety_piter.spb. Людзі распавядаюць пра аналагічныя выпадкі за 2022-2023 гады.
Дзінара ж папярэджвае сваіх падпісчыкаў пра небяспеку і просіць скардзіцца на старонку кветкавай крамы.
Цяпер чытаюць
«Пра які саюз можна гаварыць?» Лукашэнка ў Астане раскрытыкаваў Расію за навязванне утыльзбораў15
Каментары