Паэт Міхась Кавыль (сапраўднае імя — Язэп Лешчанка) нарадзіўся на Случчыне 1 снежня 1915 г., а бальшыню жыцця пражыў у амерыканскім горадзе Саўт-Рывэры, штат Нью-Джэрсі. Саўт-Рывэр — месца пражывання вялікай беларускай калоніі.
![](http://nashaniva.com/img/w732d4webp1/photos/z_2015_11/kawyl151130-lqb9b.jpg.webp)
Сям’я й сябры Міхася Кавыля адзначылі ў нядзелю 29 лістапада стагоддзе ягонага жыцця, плённага на ніве роднага слова й грамадcкай дзейнасці. У царкве Св. Еўфрасінні Полацкай хор прапяяў юбіляру «Многая лета», а на пачастунку ў ягоным доме ўсе дружна праспявалі вельмі папулярную песьню на словы ягонага вершу «Васілёчкі»:
Расцьвіталі ў полі васілёчкі,
Ой, чаму кароценькія ночкі,
Ой, чаму вялікія дзянькі?
Юбіляр атрымаў віншаванне з Белага Дома ад прэзідэнта Барака Абамы і спадарыні Мішэль Абамы.
![](http://nashaniva.com/img/w732d4webp1/photos/z_2015_11/kawyl2_151130-prbxy.jpg.webp)
Управа Беларускага інстытута навукі й мастацтва, сябрам якога на працягу доўгіх гадоў быў Міхась Кавыль, перадала яму і ягоным сынам і ўнукам разам з віншаваннем копіі старонак з англамоўнае гісторыі беларускай замежнай літаратуры брытанскага прафесара Арнольда Макміліна, на якіх аўтар апісвае літаратурныя творы Міхася Кавыля.
![](http://nashaniva.com/img/w732d4webp1/photos/z_2015_11/kawyl3_151130-2lzan.jpg.webp)
![](http://nashaniva.com/img/w732d4webp1/photos/z_2015_11/kawyl4_151130-vjs3p.jpg.webp)
![](http://nashaniva.com/img/w732d4webp1/photos/z_2015_11/kawyl6_151130-1lvpo.jpg.webp)
Глядзі таксама: «Толькі ў вечнасць душу забяру…» Віртуальная выстава ад БДАМЛІМ да 100-годдзя паэта Міхася Кавыля
Каментары