Свет1818

«50 гадзін у апошняй дыктатуры Еўропы». У Беларусь прыехалі мегапапулярныя блогеры з ЗША і Канады — вось навошта

Папулярныя ютуберы з 9 мільёнамі падпісантаў наведалі Беларусь і знялі блог пра жыццё людзей у краіне. Cярод закранутых ў відэа тэмаў — саўдзел Беларусі ў вайне супраць Украіны.

Вядоўцы ютуб-шоу Yes Theory Стафан Тэйлар і Томас Брэг на фоне Кургана Славы ў Мінскай вобласці. Фота: інстаграм старонка Стафана Тэйлара

Каманда мегапапулярнага ютуб-канала Yes Theory (канадска-амерыканскі трэвэл-блог з 9 мільёнамі падпісантаў і 11 мільярдамі сумарных праглядаў) правяла ў Беларусі 50 гадзін. Відэа выйшла на канале толькі цяпер, але самі здымкі адбываліся яшчэ ў пачатку ліпеня.

У Беларусь адправіліся вядоўцы канала Стафан Тэйлар (блогер са Швецыі) і Томас Брэг (сузаснавальнік канала Yes Theory і франка-канадская тэлезорка). Іх выпуск атрымаў назву «50 гадзін у апошняй дыктатуры Еўропы» і ўжо сабраў больш за 600 тысяч праглядаў.

Вось што адбывался ў самім выпуску.

@belarusnovosti У нас тут диктатура? #минск #беларусь #минскобзор #минсксейчас #американцы #белорусы ♬ Mysterious and sad BGM(1120058) - S and N

«Калі ўбачыце чалавека ва ўніформе, трымайце дыстанцыю»

Па словах аўтараў выпуску, яны трапілі ў Беларусь праз Літву і правялі на мяжы некалькі гадзін. Некаторыя людзі ў Літве папярэджвалі блогераў пра небяспеку наведвання Беларусі, а таксама параілі трымаць там дыстанцыю ад «людзей ва ўніформе».

У самой краіне вядоўцы паспрабавалі наняць якога-небудзь гіда ці англа-рускага перакладчыка, але ніхто не пагадзіўся. 

Мужчыны прызналіся, што хоць і рэгулярна наведвалі «палітычна адчувальныя краіны», але ў Беларусі ўпершыню сутыкнуліся з негасціннай атмасферай і поўнай адсутнасцю жадання гідаў дапамагаць ім у вывучэнні асяроддзя.

У пачатку відэа аўтары таксама адзначылі, што выдатна ведаюць палітычную сітуацыю ў краіне і таму дзеля сваёй бяспекі і бяспекі выпадковых беларусаў у кадры не будуць заводзіць вострыя тэмы для размоваў.

Тым не менш вядоўцы за кадрам згадалі, што Беларусь дапамагае Расіі ў вайне супраць Украіны.

Адзін з вядоўцаў ютуб-канала Yes Theory Стафан Тэйлар глядзіць выступ Лукашэнкі на вайсковым парадзе 3 ліпеня ў Мінску. Скрыншот з відэа ютуб-канала Yes Theory

Адным з мерапрыемстваў, якое наведалі вядоўцы Yes Theory, стаў вайсковы парад 3 ліпеня ў Мінску, які ладзіўся сумесна з расійскімі салдатамі і тэхнікай.

Тэйлар і Брэг за кадрам падкрэслілі, што ўбачанае выклікала ў іх вельмі супярэчлівыя эмоцыі, асабліва на фоне вайны ва Украіне.

«Калі мы падышлі бліжэй да параду, было цяжка апісаць убачанае. З аднаго боку, мінчукі радаваліся, святкуючы незалежнасць сваёй краіны. З іншага боку, бачыць такую дэманстрацыю сучаснай ваеннай машыны, улічваючы цяперашнюю вайну ў рэгіёне, было больш чым трывожна.

Гэта выклікала ў нас супярэчлівыя эмоцыі, а таксама стала напамінам пра тое, дзе мы знаходзімся. Пытаць каго-небудзь з прысутных пра іх думкі мы не сталі», — распавядаюць вядоўцы Yes Theory.

Парад 3 ліпеня вачыма вядоўцаў Yes Theory. Скрыншот з відэа ютуб-канала Yes Theory
Парад 3 ліпеня вачыма вядоўцаў Yes Theory. Скрыншот з відэа ютуб-канала Yes Theory

Што было ў відэа яшчэ?

Каманда Yes Theory наведала Курган Славы, мінскую Стэлу, Парк Горкага і пагуляла ноччу па Верхнім горадзе і Нямізе. Блогеры адзначылі, што Мінск па архітэктуры і наяўнасці савецкіх сцягоў нагадвае СССР больш, чым Расія.

На наступны дзень блогеры паехалі з Мінска на міжгароднім цягніку ў выпадковым кірунку і апынуліся ў вёсцы Вязынка (Маладзечанскі раён Мінскай вобласці). Асноўнай мэтай вядоўцаў стаў «пошук беларускіх бабуль» і асвятленне іх побыту.

На здзіўленне блогераў, мясцовыя жыхары сустракалі іх ветліва і шчыра, пускалі ў свае дамы, частавалі іх і распавядалі свае гісторыі.

З мясцовымі жыхарамі вёсцы Вязынка. Фота: інстаграм старонка Стафана Тэйлара
З мясцовымі жыхарамі вёсцы Вязынка. Фота: інстаграм старонка Стафана Тэйлара

Вядоўцы Yes Theory пажадалі беларусам жыць свабодна і мірна, а таксама каб у рэгіёне скончылася вайна. 

«У Беларусі мы сустрэліся з самымі добрымі людзьмі, якіх я толькі сустракаў. Тых, што любяць людзей, але жывуць у трохі іншых абставінах, чым мы. Жадаю, каб народ жыў свабодна, а таксама каб у суседняй Украіне скончылася вайна. Ды пераможа мір», — заявіў шведскі блогер Стафан Тэйлар.

Усё відэа цалкам пра Беларусь з канала Yes Theory на англійскай мове можна паглядзець унізе.

Нагадаем, што ў час выхаду відэа адбываецца чарговы сур'ёзны міжнародны скандал, звязаны са смяротным прысудам грамадзяніну Германіі Рыка Крыгеру «за тэрарызм».

Падрабязней пра сітуацыю можна прачытаць вось тут.

«Наша Нiва» — бастыён беларушчыны

ПАДТРЫМАЦЬ

Каментары18

  • Ганьба
    23.07.2024
    Менчукі чаму толькі не радуюцца - і параду, і эканамічным парывам, і дручку ў попе.
  • Acab
    23.07.2024
    [Рэд. выдалена]
  • Менчук
    23.07.2024
    Ганьба, кажы за сабе

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча8

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Каля Канарскіх астравоў навукоўцы скідаюць у мора будаўнічае смецце. Навошта?

Бульбяная вайна паміж ЗША і Японіяй доўжыцца ўжо 76 гадоў. Чаму японцы не здаюцца?5

Еўропа створыць касмічны апарат для прыбірання смецця на арбіце

«Пуцін і Сі нам не сябры». Як на Захадзе рэагуюць на саміт Трампа ў Шэньджэні1

У Беларусі ўзрасла колькасць забойстваў2

«Святлана не прыйшла на стрым, сапсаваўшы мне дзень нараджэння і настрой і не падарыўшы ніякага падарунка»44

Стала вядома, як будзе выглядаць выпраўленая скульптура беларускай жанчыны ў Быхаве20

Зяць Трампа паведаміў, што Пуцін згодны на гарантыі Украіне паводле прынцыпу пятага артыкула НАТА5

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць70

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча8

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць