Еўрасаюз пералічыў на патрэбы Украіны 1,5 млрд еўра даходаў ад сродкаў Расіі
Кіраўніца Еўракамісіі Урсула фон дэр Ляен паведаміла пра першае пералічэнне даходаў ад замарожаных у ЕС расійскіх актываў у памеры 1,5 мільярда еўра на патрэбы абароны Украіны.

Урсула фон дэр Ляен. Фота: Andreea Alexandru / AP
Еўрачыноўніца адзначыла, што гэтыя грошы будуць накіраваныя на абарону і рэканструкцыю Украіны.
«Няма лепшага сімвала і ўжытку грошам Крамля, чым зрабіць Украіну і ўсю Еўропу больш бяспечным месцам для жыцця», — гаворыцца ў яе заяве.
Асноўная маса расійскіх сродкаў па-ранейшаму застаюцца замарожанымі ў заходніх банках, бо адносна іх магчымай канфіскацыі сярод краін ЕС няма кансэнсусу. Але быў прыняты кампрамісны варыянт: на патрэбы Украіны пакуль накіроўваюцца толькі даходы ад гэтых сродкаў, якія складаюць некалькі мільярдаў еўра ў год.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі

«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце

Каментары