Яго дачка нарадзілася ўжо пасля смерці 18-гадовага бацькі.
18-гадовы жыхар расійскай Цюмені Яраслаў Ліпаўскі падпісаў кантракт з Міністэрствам абароны Расіі праз некалькі дзён пасля паўналецця. Сям’я прапаноўвала яму абраць нафтавую галіну і працаваць вахтамі, але сябры падказалі, што на вайне зарабіць прасцей. Яны самі былі падпісаўшы кантракты і расказвалі, што цяпер служыць стала лягчэй. Да таго ж, яны меркавалі, што Яраслава наўрад ці адразу адправяць на перадавую. Аднак іх прагноз аказаўся памылковым, піша 72.ru.
Хлопец падпісаў кантракт у сакавіку 2024 года, і літаральна праз пару дзён яго забралі на фронт.
Адметна, што дома ў яго засталася цяжарная нявеста Кацярына. Яна на некалькі гадоў старэйшая за свайго жаніха.
Навучанне кантрактніка Яраслава працягнулася тыдзень. І ўжо 11 красавіка ён пайшоў у складзе штурмавой групы на першае заданне. Тады ж апошні раз паразмаўляў з роднымі. Сказаў, што яго паставілі на кулямёты ў першую лінію з аргументам «ведаў, куды ідзе, калі кантракт падпісваў».
Першае баявое заданне аказалася для Яраслава апошнім. Чаму ж паміж смерцю кантрактніка і пахаваннем прайшло тры месяцы? Столькі часу шукалі яго цела. Маці наракае, што ездзіла з Цюмені ў Растоў і Луганск, каб усё ж забраць цела сына.
Дачка Віялета нарадзілася за тыдзень да пахавання свайго гора-бацькі.
Брэсцкі дэпутат пабудаваў элітны дом на набярэжнай. Цэны могуць шакаваць нават мінчукоў9
Каментары