У Гомелі абрынуўся будынак былога РАУС. У ім у 2020-м катавалі пратэстоўцаў
Абрынанне будынка былога РАУС Цэнтральнага раёна на вуліцы Сялянскай у Гомелі адбылося падчас правядзення рамонтных работ — на даху будынка засталіся складзіраваныя будаўнічыя матэрыялы, а фасад у зоне абвальвання быў папярэдне агароджаны, піша «Флагшток».
![](http://nashaniva.com/img/w840d4webp1/photos/z_2024_07/2024-07-26212934-s1234.jpg.webp)
Пра пацярпелых у выніку абвалу пакуль не паведамляецца.
![](http://nashaniva.com/img/w732d4webp1/photos/z_2024_07/2024-07-26212937-ci33p.jpg.webp)
Цэнтральнае РАУС пераехала ў новы будынак на вуліцы Галавацкага ў сакавіку 2022 года.
Восенню 2023 года комплекс былога РАУС быў выстаўлены на аўкцыён амаль за мільён рублёў. Купцу прапаноўвалася выкарыстоўваць будынак для размяшчэння аб'ектаў грамадзянскай абароны.
![](http://nashaniva.com/img/w732d4webp1/photos/z_2024_07/2024-07-26212940-rpqp7.jpg.webp)
У 2020 годзе будынак Цэнтральнага РАУС на вуліцы Сялянскай стаў месцам катаванняў грамадзян, затрыманых у Гомелі падчас мірных акцый пратэсту. Многія пакідалі будынак з сур'ёзнымі траўмамі.
Каментары