Улада8

«Моладзь БНФ» узначаліў Юрый Лукашэвіч

Моладзевую арганізацыю Партыі БНФ «Моладзь БНФ» узначаліў Юрый Лукашэвіч.

moladz.info

VI з'езд арганізацыі адбыўся 9 кастрычніка ў Мінску. Яго ўдзельнікі адмянілі рашэнне папярэдняга з'езда аб скасаванні пасады кіраўніка. Пасля прыняцця змяненняў у статут адбыліся выбары кіраўніка, якім стаў Юрый Лукашэвіч.

«Праявіўся яркі лідар, чаго ў «Моладзі БНФ» ужо даўно не было, — заявіў у каментары БелаПАН старшыня Партыі БНФ Аляксей Янукевіч. — Заўсёды лепш, калі ў арганізацыі ёсць адзін кіраўнік, які працуе ў кампаніі з астатнімі, чым калі няма аднаго твару ў арганізацыі».

«Наша моладзь вырашыла, што цяпер фармат кіравання арганізацыяй будзе ажыццяўляцца не праз дзейнасць савета, а стане больш традыцыйным з наяўнасцю старшыні і яго намесніка», — дадаў старшыня партыі.

Дэлегаты з'езда таксама прынялі змены ў статут, якія абмяжоўваюць знаходжанне на пасадзе кіраўніка арганізацыі да двух разоў. Акрамя таго, прадугледжана фарміраванне савета, які складаецца з намеснікаў кіраўніка арганізацыі, кіраўнікоў гарадскіх арганізацый і актывістаў, якія курыруюць канкрэтныя кірункі працы.

Сімвалам арганізацыі быў зацверджаны герб з выявай фенікса.

«Нам вельмі важна, што моладзевая арганізацыя атрымала новы імпульс развіцця, прыток новых людзей, — падкрэсліў Янукевіч. — Ужо некалькі месяцаў «Моладзь БНФ» працуе больш актыўна. Быў перыяд змены пакаленняў, які зацягнуўся, цяпер прыйшла новая генерацыя людзей — гэта выключна важна для партыі. Калі ў партыі няма моладзевай арганізацыі, яе будучыня пад сумневам».

Мэты «Моладзі БНФ» — аб'яднанне беларускай моладзі на аснове каштоўнасцяў свабоды, незалежнасці і дэмакратыі, садзейнічанне нацыянальнаму адраджэнню, беларусізацыі, а таксама змена аўтарытарнага рэжыму і вяртанне да Канстытуцыі 1994 года.

Сярод задач арганізацыі значыцца падрыхтоўка будучых лідараў Партыі БНФ, палітычная адукацыя і выхаванне моладзі на грунце нацыянальных каштоўнасцяў, папулярызацыя беларускай мовы, культуры, гісторыі, паляпшэнне іміджу БНФ сярод насельніцтва і іншыя.

Каментары8

У даверанай асобы Лукашэнкі забралі бізнэс пад Гроднам: «На парог выйшаў нейкі мужык і заявіў, што ўпершыню мяне бачыць»5

У даверанай асобы Лукашэнкі забралі бізнэс пад Гроднам: «На парог выйшаў нейкі мужык і заявіў, што ўпершыню мяне бачыць»

Усе навіны →
Усе навіны

Крышціяну Раналду суцяшае Пепэ пасля паразы Партугаліі ў серыі пенальці ФОТАФАКТ

Новым прэзідэнтам Ірана стаў рэфарміст Масуд Пезешкіян

З адрэстаўраванага кінатэатра «Перамога» прыбралі Пагоню3

Францыя па пенальці прайшла Партугалію

Адзін з каталіцкіх святароў прыехаў на фэст у Будслаў ва ўборы з нацыянальным арнаментам ФОТАФАКТ4

«Гэта сапраўдная сенсацыя». Пры раскопках на Менцы знайшлі зааморфную фігуру, якой 1000 гадоў4

У Манголіі знайшлі парэшткі байца з Беларусі, які загінуў 85 гадоў таму

Іспанія выбіла Германію з хатняга чэмпіянату Еўропы на 119-й хвіліне ВІДЭА5

«Праз тры гадзіны пасля засялення». З 7 ліпеня беларусаў абавязалі паведамляць у міліцыю пра здачу жылля іншаземцам

больш чытаных навін
больш лайканых навін

У даверанай асобы Лукашэнкі забралі бізнэс пад Гроднам: «На парог выйшаў нейкі мужык і заявіў, што ўпершыню мяне бачыць»5

У даверанай асобы Лукашэнкі забралі бізнэс пад Гроднам: «На парог выйшаў нейкі мужык і заявіў, што ўпершыню мяне бачыць»

Галоўнае
Усе навіны →